Znajści
Ałharytmičny łacinski varyjant
22.03.2023 / 12:281RusŁacBieł

Juryj Mielničak čamuści źnik z «doški honaru» PVT

Aŭtohraf zastaŭsia, ale imia zaviesili inšym zdymkam.

Čytačy dev.by zaŭvažyli prapažu ź impravizavanaj doški (dakładniej ściany) honaru ŭ PVT, na jakoj sabrany fota i aŭtohrafy IT-zorak. Źnik partret vienčurnaha inviestara Juryja Mielnička pad jaho pažadańniem «hadavać biznes razam z PVT». Mielničak padpisaŭ jaho jak zasnavalnik Maps.me. Ni imia, ni nazvy kampanii ciapier nie vidać — na hetaje miesca pieraviesili partret Juryja Hurskaha i Natalli Vadzianavaj.

Mahčyma, pryčyna ŭ vykazvańniach Juryja ŭ fejsbuku ŭ 2020-m (ale heta nie dakładna).

Było

Stała

Dev.by spytaŭ Juryja Mielnička, čamu prybrali mienavita jaho zdymak i što jon u suviazi z hetym adčuvaje.

— Ja, praŭda, nie viedaju, za što, — skazaŭ Mielničak. — Nu, prybrali i prybrali. Moža, i da lepšaha, što prybrali. Ja ŭdziačny PVT za toje, što ŭ ich ja pabudavaŭ vydatnuju kampaniju AImatter. A fota zdymajuć abo viešajuć, mnie ŭsio roŭna.

Juryj Mielničak — suzasnavalnik inviestycyjnaj kampanii Bulba Ventures dla raźvićcia biełaruskich startapaŭ. Zasnavalnik kartahrafičnaha servisu Maps.Me (pradadzieny Mail.ru Group u 2014) i startapa AIMatter (pradadzieny Google ŭ 2017).

Žyvie ŭ Ciurychu.

Na dumku Mielnička, paśla padziej 2020 hoda ŭkładvać hrošy ŭ kampaniju ŭ Biełarusi, u jakoj «časam nie da zakonaŭ», stała zanadta ryzykoŭna, a «sprava PandaDoc» pahoršyła biznes-klimat u krainie. Heta nie pieraškodziła Bulba Ventures pryciahnuć inviestaraŭ i pakupnikoŭ dla svaich partfielnych kampanij — OneSoil, Wannaby, Vochi. Usie try kampanii paźniej syšli ź Biełarusi.

U lutym 2022 hoda suzasnavalniki Bulba Ventures Juryj Mielničak i Andrej Aŭsijevič vyrašyli, što buduć inviestavać u startapy paasobku.

Čytajcie taksama:

Zasnavalnik Maps.me Juryj Mielničak rezka adkazaŭ na prapanovu źviarnucca da Łukašenki

Adzin z samych viadomych startapaŭ vyjšaŭ z PVT i faktyčna spyniŭ pracu ŭ Biełarusi

U prajekt ź biełaruskimi karaniami Soula inviestavali madeli Natalla Vadzianava i Kaciaryna Damańkova

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
dobry viečar /adkazać/
22.03.2023
Nu dyk Trockaha taksama ciapierašnija kamuniaki nie šanujuć. Mavr sdiełał svojo dieło - Mavr možiet uchodiť.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera