«Naš ściah bieł-čyrvona-bieły». Mužčynu asudzili na paŭtara hoda kałonii za kamientar u pracoŭnym čacie
U sudzie Astravieckaha rajona 16 sakavika asudzili Paŭła Dubava pavodle art. 370 (ździek ź dziaržaŭnych simvałaŭ) Kryminalnaha kodeksa. Sudździa Dźmitryj Bahdanovič pryznačyŭ Paŭłu adzin hod i šeść miesiacaŭ pazbaŭleńnia voli ŭ kałonii va ŭmovach ahulnaha režymu, paviedamlaje «Viasna».
Mužčynu abvinavacili ŭ tym, što jon u karparatyŭnaj supołcy adnoj z sacyjalnych sietak bujnoj kampanii hruzapieravozak pakinuŭ kamientar na biełaruskaj movie, u jakim patłumačyŭ, što «naš ściah bieł-čyrvona-bieły», a aficyjny nazvaŭ «uschodam sonca nad bałotam». Pavieł napisaŭ kamientar, kali znachodziŭsia ŭ Zachodniaj Jeŭropie padčas rejsa, paśla jakoha viarnuŭsia ŭ Biełaruś.
Pavieł Dubaŭ ź Minska, žanaty, maje dzicia da troch hod. Mužčyna padaŭ u abłsud apielacyjnuju skarhu na vyniesieny prysud.
Čytajcie taksama:
U Mazyry prajšli vobšuki i zatrymańni
Vyjšaŭ na volu palitźniavoleny Raman Ahniščanka
Advakatku Nastaśsiu Łazarenka buduć sudzić za kansultacyi pad Akreścina
https://www.youtube.com/watch?v=6BhumHPQHP0