Znajści
Ałharytmičny łacinski varyjant
23.03.2023 / 21:16RusŁacBieł

Chočacie schavacca ad susieda i cikaŭnych vačej? Hetyja raśliny vam dapamohuć

Stvareńnie žyvoj aharodžy nie tolki abaronić vaš učastak ad niaprošanych haściej i cikaŭnych pozirkaŭ, ale i značna źnizić šum z vulicy, zatrymaje vuličny pył i paraduje voka.

Zialonaja aharodža pryhoža raździalaje susiednija dačnyja ŭčastki

Dla hetaha padychodziać nie tolki chvojnyja parody, ale i dekaratyŭnyja raśliny. Ich vybar zaležyć ad mnohich faktaraŭ:

  • charaktaru hleby i kolkaści soniečnaha śviatła;
  • najaŭnaści padziemnych kamunikacyj;
  • chutkaści rostu raślin i vašaha hustu.

Kłasičnyja kusty

Biezumoŭna, samaja papularnaja raślina — heta tuja. Jana viečnazialonaja, chutka raście i nie patrabuje asablivaha dohladu. Na rynku jość kusty roznych adcieńniaŭ zialonaha koleru.

Tuja. Fota: Wikimedia Commons

Na druhim miescy znachodzicca cis. Heta chvojnaja cienievynoślivaja viečnazialonaja raślina vyrastaje da 10 mietraŭ vyšynioj. Akramia taho, vosieńniu jana raduje aranžava-čyrvonymi pładami. Ale treba pamiatać, što cis — raślina atrutnaja i lubić abaronienyja ad vietru i marazoŭ miescy.

Cis. Fota: Wikimedia Commons

Dobrymi dekaratyŭnymi jakaściami nadzieleny barbarys. Jon ćvicie žoŭtymi kvietkami, jakija paźniej pieratvarajucca ŭ aranžava-čyrvonyja, purpurovyja abo siniavata-čornyja jahady. Raślina nie patrabavalnaja da hleb i zasuchaŭstojlivaja. Adnak joj treba šmat śviatła. I raście jana nie nadta vysoka.

Paŭzučyja raśliny

Paŭzučyja raśliny kožny hod vypuskajuć novyja atožyłki-lijany. Jany aplatajuć apory, załaziać na roznyja štučnyja aharodžy, robiačy ich «žyvymi». Bolšaść takich raślin maje pryhožaje liście i kvietki.

Limońnik, jaki aploŭ chatu. Fota: Wikimedia Commons

U sadach biełarusaŭ zdaŭna pasialilisia takija adnahadovyja raśliny, jak pachučy harošak, sadovaja nasturka, klemacis, ipamieja purpurovaja, fasola šmatkvietkavaja.

Ipamieja purpurovaja. Fota: Wikimedia Commons

Možna sustreć i šmathadovyja. Da najbolš raspaŭsiudžanych adnosiacca plušč, dziki vinahrad («dziavočy vinahrad»), limońnik kitajski, bružmiel i krušyna. Akramia ich, dobra padychodzić dla dekoru altanak, vierandaŭ, bałkonaŭ, aharodžaŭ takaja šmathadovaja kvietka, jak kabieja łaziačaja.

Kabieja łaziačaja. Fota: Wikimedia Commons

Z usich pieraličanych raślin najbolš ustojlivy da marazoŭ plušč. Da taho ž jon dobra raście ŭ cieni i paŭcieni.

Kitajski čarot

Kali vam nieabchodna raślina, jakaja chutka raście, dla aharodžy, to śpiecyjalisty rekamiendujuć miskantus zvyčajny (kitajski čarot). Jon maje vielmi doŭhija ściobły i liście, a vyrastaje da troch mietraŭ vyšynioj. Ćvicieńnie raśliny prypadaje na vosień (vierasień —kastryčnik). Nabyvajuć jaho rasadaj i sadžajuć viasnoj, kali ziamla dobra prahrejecca.

Miskantus. Fota: Wikimedia Commons

Miskantus lubić sonca i hlebu, u jakoj nie zastojvajecca vada. Dohlad zaklučajecca ŭ rehularnym palivie. Jon marozaŭstojlivy. Adziny niedachop — chutkaje raspaŭsiudžvańnie pa ŭčastku, tamu adrazu treba abmiežavać miežy rostu miskantusa. Dla hetaha ŭkopvajuć pa pierymietry kuski płastyku, žaleza ci šyfieru na hłybiniu nie mienšuju za 20 sm i na 10 sm u vyšyniu.

Farzicyja

Viasnoj, kali na bolšaści dreŭ tolki-tolki źjaŭlajucca pieršyja listy, zdalok vidać kvitučaja jarkim žoŭtym koleram farzicyja. Adrazu ž paśla taho, jak źnikajuć kvietki, na kuście źjaŭlajecca nasyčana-zialonaje liście, jakoje da vosieni nabyvaje purpurna-fijaletavuju afarboŭku. 

Farzicyja. Fota: Wikimedia Commons

Takim čynam, farzicyja moža vykonvać try važnyja funkcyi. Pa-pieršaje, słužyć jarkim akcentam dla niebahataha na farby viasnovaha sadu. Pa-druhoje, adcianiać fonam nasyčanyja farby kvitniejučych uletku dekaratyŭnych kultur. I, narešcie, ažyŭlać svajoj listotaj vosieński sad, jaki rychtujecca da zimy.

Farzicyja chutka raście i patrabuje rehularnaj abrezki. Raślina lubić soniečnyja miescy, umierana vilhotnuju i z dobrymi drenažnymi ŭłaścivaściami ziamlu.

Hartenzija

Hetaja raślina taksama dobra pryžyłasia ŭ sadach biełarusaŭ dziakujučy svaim dekaratyŭnym jakaściam.

Hartenzija drevapadobnaja. Fota: Wikimedia Commons

Hartenzija vyrastaje da 2,5 mietra vyšynioj i z pośpiecham moža vykonvać funkcyi aharodžy. Jana lubić soniečnyja miescy. Pry hetym treba sačyć, kab raślina była abaronienaja ad vietru. Hleba pavinna być uradlivaj. I, jak užo zhadvałasia, jaje nieabchodna dobra palivać. Bolš padrabiazna pra hartenziju možna pačytać u našym materyjale.

Spadziajomsia, što naš ahlad dapamoža vam vyznačycca z raślinaj dla žyvoj aharodžy. Nu, a kali nie dla aharodžy, to dla dekaravańnia altanki ci stvareńnia jarkaha akcentu ŭ sadzie.

Čytajcie taksama:

Vocatnaje dreva i «pomsta susieda». Hetaja raślina ŭvachodzić u modu ŭ Biełarusi, bo jana i pryhožaja, i praktyčnaja

U Biełaviežskaj puščy zmahajucca z amierykanskim drevam-ahresaram. Što za jano i čym niebiaśpiečnaje?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031