Žycharu Hłybokaha prysudzili štraf 2590 rubloŭ za ściah Ukrainy i hierb «Pahonia»
Jak stała viadoma «Viciebskaj viaśnie», 3 sakavika sudździa suda Hłybockaha rajona Andrej Tarasievič razhledzieŭ administracyjnuju spravu miascovaha pradprymalnika Juryja Tatarynoviča i prysudziŭ jamu štraf pamieram 70 bazavych vieličyń, što składaje 2590 rubloŭ.
Mužčynu sudzili pavodle č. 1 art. 24.23 KaAP (parušeńnie paradku arhanizacyi i praviadzieńnia masavych mierapryjemstvaŭ). Byccam jon biez atrymańnia adpaviednaha dazvołu Hłybockaha rajvykankama pravioŭ adzinočnaje pikietavańnie z metaj publičnaha vykazvańnia svaich hramadska-palityčnych pohladaŭ. A zaklučałasia heta ŭ tym, što jon raźmiaściŭ svajo fota ŭ fejsbuku, jakoje supravadžałasia hrafičnaj vyjavaj ściaha Ukrainy i hierba «Pahonia». Taksama na staroncy była publikacyja z vyjavaj bieł-čyrvona-biełaha ściaha.
Padčas sudovaha pasiadžeńnia Juryj Tatarynovič vinu nie pryznaŭ.
Čytajcie taksama:
Zatrymali advakataŭ Biełavusa, Babaryki, Cichanoŭskaha, Aŭtuchoviča i inšych palitviaźniaŭ
