Znajści
Ałharytmičny łacinski varyjant
22.03.2023 / 16:499RusŁacBieł

Paśla «likvidacyi terarysta» ŭ Hrodnie zatrymali piać čałaviek

Paśla «likvidacyi terarysta» ŭ Hrodnie zatrymana piać čałaviek. Siarod ich — Alena i Alaksandr Kaścievičy, uładalnica kvatery, u jakoj prajšła «likvidacyja», i jaje syn. Pa telebačańni ich nazvali «zaŭziatymi prychilnikami pieramien». 22 sakavika pra ich vykazaŭsia Alaksandr Łukašenka. Redakcyja Hrodna.life daviedałasia, što pra ich viadoma.

Alenu Kaścievič u siužecie STB nazvali piensijanierkaj. Jana nie viedała, chto arandavaŭ kvateru.

Alaksandr zajmaŭsia zdačaj kvatery ŭ arendu, byŭ staršynioj žyllovaha kaapieratyva. U siužecie adznačyli, što mužčynu zatrymlivali padčas akcyj pratestu ŭ 2020 hodzie. Pavodle infarmacyi susiedziaŭ, jon vyviešvaŭ bčb-ściah u 2020 hodzie i «vyznačyŭsia pratesnymi nastrojami». Adzin susied nazvaŭ jaho ŭ intervju dziaržTB «beenefaŭcam».

Kanfliktaŭ z susiedziami Alaksandr nie mieŭ, byŭ vietlivym, ličać jaho pryjacieli. Jon pierastaŭ vychodzić na suviaź 19 sakavika.

U siužecie pakazali skrynšoty sa staronki «UKantakcie» mužčyny. Tam była spasyłka na płatformu «Hołas», jakuju stvaryli ŭ 2020 hodzie dla kantrolu za sumlennaściu vybaraŭ i dla alternatyŭnaha padliku hałasoŭ. Na avatarcy — aŭstryjski čyrvona-bieła-čyrvony ściah. Na staroncy vidać, što Alaksandr padpisvaŭ pietycyi ab ekałahičnaj situacyi ŭ Biełarusi.

«Patryjot, ale nie aktyvist»

Alaksandru 35 hadoŭ. Jon vučyŭsia ŭ licei № 1 Hrodna, paźniej — u BNTU. U jaho — žonka i maleńkaje dzicia. Alaksandr udzielničaŭ u bajdaračnym marafonie, raspaviali jaho pryjacieli. Jon «zvyčajny chłopiec, dobry siemjanin, patryjot, ale nie palityčny aktyvist ni razu, całkam typovy čałaviek našaha ŭzrostu z dobraj siamji».

«Padstaŭ padazravać [u sadziejničańni terarystu] niama, uličvajučy sumniŭnaść usioj historyi», — ličyć jaho pryjaciel.

Što ciapier z zatrymanymi, nieviadoma.

«Miarzotniki»

Pra zatrymanych padčas vizitu ŭ Chatyń vykazaŭsia i Łukašenka. «Ludzi nas infarmavali na hety vypadak. Akramia hetych miarzotnikaŭ, jakija na kvateru ŭziali. Jany ciapier tam siadziać u zaścienkach, my ź imi pracujem. Heta žudasnyja bečebešniki. Čamu tak atrymlivajecca, što ŭsie terarysty asiadajuć u hetych kvaterach. I jany «ni pry čym, «jany» ničoha nie viedajuć»».

Pa spravie dapytali 14 čałaviek, piać ź ich — u izalatary. Chto jašče zatrymany, akramia maci i syna, nieviadoma. Raspačata kryminalnaja sprava pavodle art. 289 KK «Akt teraryzmu».

Čytajcie taksama:

«Bajpoł» ličyć padziei ŭ Hrodnie insceniroŭkaj. I nazyvaje imia mierkavanaha «terarysta»

DziaržSMI pakazali padrobleny pašpart zabitaha ŭ Hrodnie. Raspaviadajem, kamu jon naležaŭ i jak robiacca takija dakumienty

Pa TB raskazali padrabiaznaści taho, jak «Łamakin» kursiravaŭ pa Biełarusi i jak jaho nibyta brali kadebisty

MUS šukaje kala 1000 čałaviek za «ekstremisckija złačynstvy». Ale «nie bolš»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Pravdorub /adkazać/
22.03.2023
Polak , na čto pochožie? Otkuda takije vyvody?? Imieješ informaciju o chodie "śledstvija"?)
22.03.2023
Nu chvatit užie postiť ob etom vbrosie s tierroristom. Vy žie pomnitie džip na hranicie s Ukrainoj (Sotrudnik: "etot ž na płastid pochožie" łoł) v 2017 hodu, nikoho nie osudili, nikakich dokumientałok ob etotm ONT, BT, STV nie diełali.
0
Pozor/adkazać/
22.03.2023
Kłouny putinskije, prodažnyje
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera