Biełaruś uvajšła ŭ top-10 imparcioraŭ hruzinskaha vina
Nacyjanalnaja słužba statystyki Hruzii apublikavała źviestki ab imparcie svajho vina ŭ studzieni-lutym hetaha hoda. Asnoŭny jaho pakupnik — Rasija, jakaja zakupiła hruzinskaha vina na 23,88 miljona dalaraŭ. Biełaruś taksama ŭ dziasiatcy.
Fota ilustracyjnaje
Usiaho Hruzija na eksparcie vinahradnych vinaŭ u studzieni-lutym 2023 hoda zarabiła 34,5 młn dalaraŭ, to-bok na Rasiju pajšło jaho faktyčna dźvie traciny. Astatnija krainy daloka adstali.
Na druhim miescy ŭ topie znachodzicca Ukraina — joj pradadziena vina na 1,75 młn dalaraŭ, dalej iduć Polšča i Kitaj — pa 1,73 młn. Kazachstan kupiŭ hruzinskaha vina na 1,16 młn dalaraŭ.
U dziasiatku pakupnikoŭ uvajšła na dziaviatym miescy i Biełaruś, uzbahaciŭšy hruzinskich vinarobaŭ na 387,4 tysiačy dalaraŭ.
Biełaruś kupiła hruzinskaha vina krychu bolš za Vialikabrytaniju, jakaja vydatkavała na heta 333,1 tysiačy dalaraŭ, ale mienš za Łatviju, jakaja patraciła 570,2 tysiačy dalaraŭ.
Šostaje i siomaje miesca ŭ hetym rejtynhu — u ZŠA (798 tysiač dalaraŭ) i Hiermanii (653,1 tysiačy).
