Znajści
Ałharytmičny łacinski varyjant
22.03.2023 / 23:39RusŁacBieł

Andrej Chadanovič. Adbivajecca śviet u vadzie… Vierš

Paet Andrej Chadanovič nadrukavaŭ u fejsbuku da ŭčarašniaha Suśvietnaha dnia paezii svoj novy vierš, dzie aptymizm pierahukajecca ź piesimizmam.

Adbivajecca śviet u vadzie
ad žurby i niamoha adčaju.
Sam siabie da śloz daviadzie
i samoha siabie vybačaje.

Sam pytaje j tłumačyć sam,
što inačaj nie patłumačym.
Śviet nie vieryć pjanym ślazam,
ale vieryć ryfmam dziciačym.

Sam siabie daviadzie da śloz
i suciešyć siabie samoha,
bo čakanaja ryfma — los,
i čakanaja — pieramoha.

Bo źmianiaje radaść biadu
i błukalcaŭ viartaje vyraj,
i kachanki — dvojčy ŭ vadu
za dziciačaju ryfmaj ščyraj.

Adhukniecca za ŭsio ŭ žyćci
pieramožcam, sudździam i śviedkam,
kab dalej na stale raści
śmiešnym vieršam i pieršym kvietkam.

U słupočak płača paet,
i jašče adzin dałučaje
da viasnovych vodaŭ, dzie śviet
adbivajecca. Ad adčaju.

Čytajcie taksama: 

Pavieł Sieviaryniec. Biełaruskaja — mova lubovi. Vierš

Usievaład Ścieburaka. Čas, jaki nie pryjšoŭ. Vierš

Nasta Kudasava. Na hetym vuścišnym maršrucie. Vierš

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera