Minsk zaprasiŭ sustreču z zatrymanymi ŭ Polščy biełarusami
Biełaruskija dypłamaty zaprasili ŭ polskich uład dostup da zatrymanych u Polščy biełarusaŭ, paviedamiła RIA Novosti sa spasyłkaju na pres-słužbu MZS Biełarusi.
Zatrymanyja biełarusy. Fota: sacsietki zatrymanych i «Kibierpartyzany»
«Prymajucca ŭsie nieabchodnyja konsulskija dziejańni, praduhledžanyja ŭ takich situacyjach. U pryvatnaści, apieratyŭna byŭ zapytany konsulski dostup da zatrymanych hramadzian Biełarusi, čakajecca reakcyja polskaha boku», — raskazali ŭ MZS.
Tam adznačyli, što dypłamaty padtrymlivajuć suviaź sa svajakami zatrymanych.
Učora Łukašenka zajaviŭ, što Zachad prapanoŭvaŭ jamu abmianiać biełarusaŭ, zatrymanych u Polščy za špijanaž na karyść Rasii.
15 sakavika Ahienctva ŭnutranaj biaśpieki Polščy zajaviła, što likvidavała špijonskuju sietku, jakaja pracavała na Rasiju i pavinna była rychtavacca da dyviersijnaj dziejnaści ŭ Polščy.
Siarod ich try biełarusy — 41-hadovy Mikałaj Maskalenka, 28-hadovy Uładzisłaŭ Paśmiciucha i jaho dziaŭčyna — 18-hadovaja Maryja Miadźviedzieva.
