«Demanstravaŭ pratesny simvał ukazalnym i siarednim palcami ruk». Minčuka asudzili za ŭdzieł u pratestach
U sudzie Leninskaha rajona 27 lutaha asudzili Uładzimira Vierazubava pavodle č. 1 art. 342. Sudździa Julija Ščotkina pryznačyła jamu try hady «chimii», piša «Viasna».
Fota ilustracyjnaje. Spring96.org
Uładzimira abvinavacili va ŭdziele ŭ akcyjach pratestu ŭ Minsku ŭ 2020 hodzie i pierakryćci ruchu hramadskaha transpartu. Taksama mužčynu pastavili ŭ vinu vykarystańnie bieła-čyrvona-biełaj stužki i žesta pieramohi. Uładzimira apaznali pa fotazdymkach, jakija jon rabiŭ na akcyi pratestu i zatym apublikavaŭ na svajoj staroncy va ŭkantakcie.
Mužčyna całkam pryznaŭ vinu.
Namieśnik prakurora Leninskaha rajona Minska zajaviŭ isk ab spahnańni ź Vierazubava na karyść Minsktransa majomasnaj škody pamieram 86515 rubloŭ. Isk budzie razhladacca ŭ paradku hramadzianskaj vytvorčaści.
