Kamitetu PARIE raspaviali pra ŭdzieł FSB u katavańniach biełarusaŭ u 2020 hodzie
Pra ŭdzieł FSB u katavańniach biełarusaŭ u 2020 hodzie na słuchańniach pravavoha kamiteta Parłamienckaj asamblei Rady Jeŭropy zajaviŭ hramadzianin Biełarusi Siarhiej Savieljeŭ, jaki z 2016 pa 2021 hod adbyvaŭ pakarańnie ŭ rasijskaj kałonii i vioŭ archiŭ katavańniaŭ źniavolenych, paviedamlaje Deutsche Welle.
Fota ilustracyjnaje
Savieljeŭ raspavioŭ, što ŭ 2020 hodzie pradstaŭniki rasijskich sakretnych śpiecsłužbaŭ «prylacieli ŭ Minsk, kab uziać udzieł u žorstkich katavańniach» udzielnikaŭ pratestaŭ. Nijakich padrabiaznaściaŭ ci krynic infarmacyi pakul nie paviedamlajecca.
Taksama ŭ PARIE vystupiŭ rasijski pravaabaronca, zasnavalnik hramadskaha prajekta Gulagu.net Uładzimir Asiečkin.
Jon zajaviŭ, što na terytoryi Rasii stvorana bolš za 10 vajennych kancentracyjnych łahieraŭ, u jakich utrymlivajucca tysiačy ŭkraincaŭ.
Čytajcie taksama:
Stała viadoma, jak vyzvalili biełarusa, jaki pieradaŭ videa katavańniaŭ u rasijskich turmach
