Źmianili praviły raźmiaščeńnia vonkavaj rekłamy ŭ Minsku
Staličnyja ŭłady zabaranili raźmiaščać rekłamu na prypynkach, u zialonych zonach i niekatorych inšych miescach. Rašeńnie Minharvykankama apublikavanaje na Nacyjanalnym pravavym internet-partale.
Rašeńnie Minharvykankama ŭnosić istotnyja źmieny ŭ raniejšyja «kryteryi paharšeńnia architekturnaha abličča budynka (zbudavańnia), zabudovy terytoryi ŭ suviazi z raźmiaščeńniem srodkaŭ vonkavaj rekłamy».
U pryvatnaści, ciapier zabaronienaje raźmiaščeńnie srodkaŭ vonkavaj rekłamy na prypynačnych naviesach. Vyklučeńnie — kali heta praduhledžana prajektam, a taksama infarmacyjnyja pakazalniki i paneli.
Pad zabaronu taksama patrapiła vonkavaja rekłama ŭ miescach zialonych nasadžeńniaŭ, na turnikietach, małych architekturnych formach, skryniach, aporach vonkavaha aśviatleńnia i ŭ arkach budynkaŭ, kali heta pryvodzić da pamianšeńnia vyšyni prajomu dla prajezdu transpartu da mienš čym 4,5 m, a dla prachodu piešachodaŭ — da 4 m.
Ustanoŭlenaje i abmiežavańnie pa kolkaści rekłamnych kanstrukcyj, jakija moža raźmiaścić pobač z budynkam adzin rekłamaraspaŭsiudžvalnik: nie bolš za adzin płakat ci inšuju kanstrukcyju płoščaj da 1 kv. m.
Jana nikoli nie była dla biełapysaŭ rodnaj, da mackavickaj akupacyi na joj nichto nie razmaŭlaŭ