Na ŭpakoŭcy dziciačaha charčavańnia raźmiaścili partret Zaira Azhura
Z nahody 115-hodździa z dnia naradžeńnia Zaira Azhura brend «Łožka v ładoškie» vypuściŭ limitavanuju liniejku piure ŭ śpiecyjalnaj upakoŭcy — z partretam biełaruskaha skulptara.
«Azhur byŭ samy zapatrabavany ŭ halinie manumientalnaj skulptury biełaruski mastak. Jon źjaŭlajecca aŭtaram manumientaŭ, ustalavanych u mnohich haradach Biełarusi, Rasii, u Dahiestanie, Ukrainie, Kazachstanie, Indyi i Kitai.
A ciapier tvorčaść Zaira Isakaviča my možam ubačyć u miemaryjalnym muziei-majsterni Z. Azhura. Darečy, my viedajem, jak pravieści volny čas cikava dla dziaciej i darosłych. Muziej-majsternia Z. Azhura — adziny skulpturny muziej u Biełarusi. I znachodzicca pa adrasie: h. Minsk, vuł. Z. Azhura, 8», — napisali supracoŭniki «Łožka v ładoškie» na svajoj staroncy ŭ instahramie.
U minułym hodzie ŭładalniki hetaha brenda vypuskali limitavanyja liniejki pradukcyi z partretami Janki Kupały i Jakuba Kołasa. Abodvum kłasikam biełaruskaj litaratury letaś spoŭniłasia pa 140 hadoŭ.
Čytajcie taksama:
Na dziciačym piure źjavilisia partrety Janki Kupały i Jakuba Kołasa
