Rasija pierakinuła z palihona pad Baranavičami kala 1000 vajskoŭcaŭ — raźviedka Brytanii
Rasija razhladaje niepramuju padtrymku svajoj ahresii z boku Biełarusi ŭ jakaści palityčnaha sihnału. Pra heta havorycca ŭ čarhovaj spravazdačy brytanskaj raźviedki, apublikavanaj Minabarony Vialikabrytanii.
U joj adznačajecca, što ŭ siaredzinie sakavika Rasija pierakinuła z Abuz-Lasnoŭskaha palihona ŭ Biełarusi nie mienš za 1000 vajskoŭcaŭ, jakija prachodzili tam navučańnie.
«Choć novaj ratacyi vojskaŭ adznačana nie było, Rasija, chutčej za ŭsio, pakinuła namiotavy łahier na miescy, što dazvalaje vykazać zdahadku, što jana razhladaje mahčymaść praciahu prahramy navučańnia», — adznačyli ŭ brytanskaj raźviedcy.
U spravazdačy taksama havorycca, što vykarystańnie biełaruskich palihonaŭ pakazvaje na toje, što vajna parušyła sistemu padrychtoŭki ŭ rasijskich Uzbrojenych siłach, bo instruktary byli adpraŭlenyja ŭ zonu bajavych dziejańniaŭ.