«Tut niama numaroŭ». Kiraŭnik Viciebščyny pachvaliŭsia pierad dziaŭčatami biełaruskim smartfonam
Studentki piaci VNU Viciebska, jakija pradstaŭlajuć moładzievaje kryło abłasnoj arhanizacyi Biełaruskaha sajuza žančyn, pabyvali ŭ pracoŭnym kabiniecie staršyni Viciebskaha abłvykankama Alaksandra Subocina i pahutaryli z kiraŭnikom vobłaści, piša BiełTA.
Fota: BiełTA
Staršynia abłvykankama prademanstravaŭ im biełaruski smartfon, pa jakim jon moža źviazacca z kiraŭnikami ministerstvaŭ i viedamstvaŭ. «Tut niama numaroŭ, prosta naciskajem na imia i vyklik», — rastłumačyŭ Alaksandr Subocin.
Što ŭ kabiniecie Subocina? Naprykład, ikony, jakija pierajazdžajuć z kabinieta ŭ kabiniet i zajmajuć hanarovaje miesca nasuprać pracoŭnaha stała, futbolny miač z aŭtohrafami kamandy «Naftan», nahajka — padarunak ad kubanskich kazakoŭ i knihi.
Taksama paviedamlajecca pra asablivy suvienir, jaki chutka adpravicca pa pryznačeńni, — «lalka-chlebarob», jaje kiraŭniku vobłaści padaryli ahraryi ź Vierchniadźvinskaha rajona. Unutry ŭ ilnianoj fihurki znachodzicca zbožža ŭradžaju 2022 hoda, jaho treba budzie kinuć u ziamlu na zasieŭkach, jakija projduć u vobłaści, kab i sioleta paŭtaryć pośpiech pa zbory zbožža, piša BiełTA.
Hałoŭčanka skazaŭ, kali ŭ Biełarusi dziaržava pierastanie rehulavać ceny
Viciebski abłvykankam padpisaŭ pahadnieńnie ab supracoŭnictvie z akupacyjnymi ŭładami Kryma
