Jašče 12 čałaviek pryznanyja palitviaźniami
«Viasna» paviedamiła, što pravaabaroncy pryniali rašeńnie pryznać palitviaźniami jašče 12 čałaviek. Ciapier ich ahulnaja kolkaść — 1466 čałaviek.
Heta Maksim Stašulonak, Iryna Savašynskaja, Kanstancin Zaremba, Albiert Harbuz, Maksim Sieńnik, Volha Hładkaja, Uładzisłaŭ Šukan, Dźmitryj Jurtajeŭ, Mikita Niadzielka, Natalla Sialach, Maksim Palitaŭ, Alaksandr Nieściarenka.
Chto hetyja ludzi i čamu pravaabarončyja arhanizacyi ličać ich spravy palityčna matyvavanymi.
Ahulnaja kolkaść palitviaźniaŭ dasiahnuła 1466 čałaviek. Apošnim časam jana nie asabliva mianiajecca, ale nie tamu, što abvastreńnie represij u Biełarusi spadaje, — prosta paralelna z novymi pasadkami pa kryminalnych spravach idzie praces vyzvaleńnia tych źniavolenych, jakija całkam adbyli svaje terminy.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja.
