Znajści
Ałharytmičny łacinski varyjant
24.03.2023 / 15:45RusŁacBieł

«Idzie vajna, kožnaja kraina starajecca źmienšyć ryzyku». Deputat Siejma Litvy pra zakonaprajekt, jaki zakranaje intaresy biełarusaŭ

Tomas Tamilinas raskazaŭ «Svabodzie», što ciapier vakoł zakonaprajekta ŭ Siejmie viaducca dyskusii. Na jahonuju dumku, zakon nie musić stvarać biełarusam pieraškod u žyćci, kali nijakaj ryzyki niama.

U pieršapačatkovym varyjancie zakonaprajekt praduhledžvaŭ spynieńnie padačy dakumentaŭ na vizy, časovyja dazvoły na žycharstva dla biełarusaŭ i rasiejcaŭ, za vyklučeńniem tych, jakija robiacca pry pasiarednictvie litoŭskaha MZS. Dla tych, chto ŭžo maje vizy ci dazvoł na žycharstva, abmiežavańniaŭ niama.

Taksama ŭ pieršapačatkovym varyjancie prapanoŭvałasia spynić pryjom dakumentaŭ na atrymańnie litoŭskaha hramadzianstva dla biełarusaŭ i rasiejcaŭ. Paźniej abmiežavańni ŭ atrymańni hramadzianstva dla biełarusaŭ prapanavała nia ŭvodzić častka deputataŭ. Adpaviednaja papraŭka pastupiła ŭ Sejm, i deputaty buduć jaje razhladać.

«Zakon nie pavinien stvarać prablem ludziam, jakija nie niasuć ryzyki»

Deputat Sejmu Litvy Tomas Tamilinas ličyć, što papraŭki ŭ zakonaprajekt musiać unieści jasnaść. Na jaho dumku, hety zakon nie pavinien stvarać prablem ludziam, jakija nie niasuć ryzyki dla Litvy.

«Finalnaje hałasavańnie moža adbycca praz dva tydni. Zaraz pastupili papraŭki, jakija palapšajuć sytuacyju i mianiajuć sutnaść niekatorych pałažeńniaŭ. Ja tak razumieju, što papraŭki dapamohuć. Liču, što musić być lohika.

Kali jość rekamendacyja z boku litoŭskaj dziaržavy, jasnaja meta znachodžańnia čałavieka tut, to ŭ jaho nie pavinna ŭźnikać składanaściaŭ. Kali niama ryzyki, to navošta ludziam psavać žyćcio? Ryzyki treba analizavać bolš staranna i bolš dakładna», — ličyć Tomas Tamilinas.

Taksama jon adznačaje, što hety zakonaprajekt nakiravany najpierš na biaśpieku Litvy, a ŭ zakonaprajekcie prapisana toje, što «i tak adbyvajecca na praktycy».

«Idzie vajna, ciapier surjoznaja sytuacyja; kožnaja kraina, asabliva maleńkaja, starajecca źmienšyć ryzyki dla siabie, kali ludzi mihrujuć, kali ludzi adkryvajuć biznes. Šmat rašeńniaŭ i pracedur, prapisanych u zakonaprajekcie, isnujuć i ciapier, i heta asnoŭnaja častka hetaha zakonaprajektu», — kaža deputat.

«Niama źmienaŭ u staŭleńni da biełarusaŭ»

Tomas Tamilinas pazytyŭna aceńvaje toj fakt, što ciapier vakoł zakonaprajektu pačałasia dyskusija i ludzi zaanhažavanyja ŭ jaje, bo «ŭ demakratyčnaj krainie možna dyskutavać i źmianiać niejkija chiby ŭradu».

Taksama jon adznačaje, što staŭleńnie da biełarusaŭ u Litvie nie źmianiłasia z pačatku vajny.

«Ja tut nie adčuvaŭ nijakich źmienaŭ u dačynieńni da biełarusaŭ. Źmianiłasia staŭleńnie da biełaruskaj dziaržavy i dyktatara, što lahična. Palityki nie zajmajucca niejkim raspalvańniem varožaści, idzie hutarka pra toje, jak nam razam zmahacca z Łukašenkam i Pucinym i jakija sankcyi ŭvodzić. Tak, sankcyi bjuć pa prostych biełarusach, prostych rasiejcach. Kali sankcyi masavyja, to jany ŭździejničajuć na hramadzian, inakš prosta nie byvaje», — havoryć Tomas Tamilinas.

Pieršapačatkova deputaty masava padtrymali zakonaprajekt, za jaho prahałasavali 113 deputataŭ, 9 ustrymalisia. Paźniej źjaviŭsia šerah papravak da zakonaprajekta.

Čytajcie taksama:

Abjadnany pierachodny kabiniet: Litoŭski zakonaprajekt nie zakranaje režymu Łukašenki, ale stvaraje ciažkaści dla biełarusaŭ, łajalnych da Litvy

Ofis Cichanoŭskaj prakamientavaŭ novy zakon, jaki mohuć pryniać pa biełarusach u Litvie

Biełarusam mohuć zabaranić vydaču viz i dazvołaŭ na žycharstva ŭ Litvie. Novy zakonaprajekt u pytańniach i adkazach

U Litvie chočuć prypynić pryjom zajaŭ na hramadzianstva ad biełarusaŭ i rasijan

Клас
10
Панылы сорам
3
Ха-ха
1
Ого
2
Сумна
3
Абуральна
1
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930