Advakatku Inesu Alenskuju sudzili za raspaŭsiud ekstremisckich materyjałaŭ
U sudzie Leninskaha rajona Minska 24 sakavika razhladałasia administracyjnaja sprava advakatki Inesy Alenskaj. Jaje abvinavacili ŭ raspaŭsiudzie ekstremisckich materyjałaŭ pavodle č. 1 art 19.11 KaAP. Spravu razhladała sudździa Julija Šut. Vyniki suda pakul nieviadomyja, piša «Viasna».
Adnak dzień tamu praŭładnyja telekanały raźmiaścili videasiužet, u jakim paviedamili, što «raniej jana raźmiaščała ŭ čacikach bčb-ściahi, pieśni i navat svoj tualet, a jašče jana vielmi cikava adklikajecca pra čynoŭnikaŭ i dziaržsłužačych».
Pa vynikach atestacyi kvalifikacyjnaja kamisija Miniusta 22 sakavika vyrašyła, što advakaty Inesa Alenskaja i Dzianis Šarśnioŭ nie mohuć vykonvać abaviazki abaroncaŭ «z pryčyny niedastatkovaj kvalifikacyi». Akramia taho, takoje rašeńnie pryniata ŭ dačynieńni da advakata Kavaleviča.
Inesa Alenskaja abaraniała ŭ sudach Siarhieja Cichanoŭskaha, Ramana Pratasieviča, Nastu Łojka, Ryhora Kastusiova.
