Znajści
Ałharytmičny łacinski varyjant
25.03.2023 / 15:471RusŁacBieł

Biełaruski film «Radzima» ŭziaŭ hran-pry na Kapienhahienskim kinafiestyvali

Stužka «Radzima» (Motherland) biełaruskich aŭtaraŭ Alaksandra Michałkoviča i Hanny Badziaka atrymała hałoŭnyja pryz Dox:Award na Kapienhahienskim mižnarodnym fiestyvali dakumientalnaha kino CPH:DOX. U hetaj «zmročnaj i manumientalnaj» karcinie pra Biełaruś idzie havorka pra toje, «jak karupcyja i žorstkaja vajennaja kultura šturchajuć maładych ludziej vybirać čyj-niebudź bok», piša Reform.by.

Padčas uračystaj cyrymonii ŭznaharodžańnia režysioraŭ filma «Radzima» Hanny Badziaka i Alaksandra Michałkoviča na Mižnarodnym fiestyvali dakumientalnaha kino ŭ Kapienhahienie. CPH:DOX. Fota: cphdox.dk.

Žury adnaho z najbujniejšych forumaŭ dakumientalnaha kino ŭ śviecie abhruntavała svoj vybar filma-pieramožcy nastupnym čynam:

«Hety kiniematahrafičny i źmiastoŭny film nie śpiašaŭsia raskryvać składanaść žyćcia ŭ ramkach represiŭnaj i niespraviadlivaj sistemy. Jon stavić pad sumnieŭ ideju indyvidualnaha vybaru ŭ zahnanym u kut hramadstvie. Nazva filma — heta sposab viarnuć uładu žančynam, jakija znachodziacca na piarednim krai hetaj baraćby. [Tamu] uznaharoda dastajecca filmu «Radzima» Hanny Badziaki i Alaksandra Michałkoviča».

Karcina paznačanaja jak pradukt troch krain — Šviecyi, Ukrainy i Narviehii. Ale Hanna Badziaka i Alaksandr Michałkovič — aŭtary ź Biełarusi, i ŭ pryvatnaści, viadomyja i biełaruskamu hledaču svajoj sumiesnaj pracaj 2018 hoda — dakumientalnaj stužkaj «Maja babula z Marsa», jakaja raspaviadała pra žyćcio babuli Alaksandra Michałkoviča ŭ Krymie paśla 2014 hoda. I ŭ hetym filmie kiniematahrafisty schapili čas i jaho vastryniu.

Anatacyja da «Radzimy» hučyć tak:

«Śviatłana straciła svajho syna, jakoha znajšli miortvym, kali jon słužyŭ u vojsku. Pakul jana sprabuje pralić śviatło na kulturu hvałtu i ździekaŭ u biełaruskich Uzbrojenych siłach, hrupie maładych siabroŭ z techna-andehraŭndu nieŭzabavie samim pahražaje pryzyŭ u vojska. Jany chodziać na rejv-viečaryny ŭ majkach i kruhłych soncaachoŭnych akularach, ale praź imhnieńnie viečarynka moža skončycca — prynamsi, datul, pakul na vulicach nie ŭspychnuć masavyja pratesty paśla niadaŭniaha «pieraabrańnia» dyktatara-prezidenta i prychilnika Pucina Alaksandra Łukašenki. Problisk nadziei i abiacańnie pieramienaŭ, jakija tolki prymušajuć žorstkaść aŭtarytarnaha hramadstva prajavicca ŭ poŭnuju siłu».

«Biełaruskija režysiory Hanna Badziaka i Alaksandr Michałkovič, — havorycca ŭ apisańni da poŭnamietražnaha dakumientalnaha filma. — Stvaryli maštabny film, jaki vychodzić daloka za miežy krainy i analizuje postsaviecki stan z punktu hledžańnia, jaki redka možna ŭbačyć: z punktu hledžańnia moładzi. Scena, dzie źniavolenych vyzvalajuć pasiarod nočy paśla demanstracyi, ašałamlaje svajoj maŭklivaj emacyjnaj nasyčanaściu. Dziakujučy vydatnaj apieratarskaj pracy i hłybokamu viedańniu kultury, «Radzima» — adzin z tych redkich filmaŭ, jakim udajecca zachavać vyrašalny momant u historyi, pakul jana jašče razhortvajecca».

Karcinu možna ŭbačyć u kinateatrach Kapienhahiena 27 i 29 sakavika.

Varta adznačyć, što biełaruskaja prysutnaść na fiestyvali CPH:DOX nie vyčerpvałasia ŭdziełam u konkursie pracy Hanny Badziaka i Alaksandra Michałkoviča, taksama ŭ ramkach industryjalnaj častki forumu ŭ im prymali ŭdzieł biełaruski režysior Maksim Švied i pradziusarka, zasnavalnica i dyrektarka fiestyvalu Paŭnočnych i Bałtyjskich krain «Paŭnočnaje źziańnie» Vola Čajkoŭskaja.

Fiestyvalnaja prahrama CPH: DOX varjirujecca ad rabot bujnych mižnarodnych režysioraŭ da novych talentaŭ, ad zachaplalnych premjer da ekśpierymientalnych kina- i videaprac na sumiežžy kiniematohrafa i vizualnaha mastactva. Prahrama vychodzić za tradycyjnyja ramki i prapanuje novyja pohlady na skryžavańnie kiniematohrafa i miedyjamastactva. Kapienhahienski mižnarodny fiestyval dakumientalnaha kino byŭ zasnavany ŭ 2003 hodzie. Apošni prachodzić z 15 pa 26 sakavika.

Čytajcie taksama:

Aleś Čumakoŭ vykanaŭ pa-biełarusku viadomuju polskuju pieśniu pra Homiel

Minkult admianiŭ kinafiestyval «Niefiltravanaje kino» za dva dni da pačatku

Kancerty Marharyty Laŭčuk u Varšavie i Hdańsku nie adbuducca. Pryčyna vielmi surjoznaja

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Anatol Starkou/adkazać/
26.03.2023
I nivodnaha bčb kamientara da Važkaj Padziei bčb kino.

Heta tamu, što pryvykajuć bieł-čyrvłona-biełyja, što pa cotnym dniam im Zachad, padkuplajučy, daje Nobieleŭki, a pa niecotnym hran-pry dy inšyja premii.
Hniły, dziki, ni razu niedemakratyčny Zachad, kožnamu z vas, bčb, daść pa piać Nobielevak i pa dziesiać hran-pry + bočku miodu i jaščyk piačeńnia, kali vy źniščycie Biełaruś na płoščy ŭ Minsku padobna tak, jak ukraincy źniščyli paśla majdanu-2014 u Kijevie svaju Nieńku. I tolki tamu daść i ŭ rot pałoža miod i piačeńki, kab vy toj razburalnaj płoščaj zachavali niekranutaj cyvilizacyju Zachada, jaho hniłaść, dzikaść i niedemakratyčnaść.  
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera