Na cyrymoniju adkryćcia pomnika aŭtaru bieła-čyrvona-biełaha ściaha prylacieli naščadki ŭratavanych im ludziej
U Koŭnie 25 sakavika ŭračysta adkryli novy pomnik na mahile viadomaha biełaruskaha dziejača, inžyniera Kłaŭdzija Duž-Dušeŭskaha, jaki źjaŭlajecca aŭtaram eskizu bieła-čyrvona-biełaha ściaha.
U cyrymonii ŭziali ŭdzieł praŭnuk inžyniera Duž-Dušeŭskaha, a taksama naščadki jaŭrejaŭ, jakich stvaralnik bieła-čyrvona-biełaha ściaha ŭratavaŭ ad nacysckaha hienacydu ŭ Druhuju suśvietnuju vajnu. Jany dla hetaha admysłova prylacieli zdalok.
Cyrymonija prajšła pad biełaruskimi i litoŭskimi ściahami z udziełam hanarovaj varty. Na joj prysutničała časovaja pavieranaja ŭ spravach Litoŭskaj Respubliki ŭ Respublicy Biełaruś Asta Andryjaŭskienie.
Vystupaje praŭnuk Kłaŭdyja Duž-Dušeŭskaha. Sprava ad jaho — paetka Vanda Marcińš
Pry adkryćci pomnika było skazana niekalki pramoŭ, ad Ofisa Śviatłany Cichanoŭskaj vystupiŭ jaje daradca Alaksandr Dabravolski.
Usiaho na cyrymonii prysutničała kala 120 čałaviek.
Ź Vilni ŭ Koŭna dziela ŭdziełu ŭ joj pryjechała cełaja aŭtakałona pad bieła-čyrvona-biełymi ściahami.
Na cyrymonii siarod inšych prysutničali opiernaja śpiavačka Marharyta Laŭčuk, pradiusar i pradstaŭnik Rady kultury Alaksandr Čachoŭski, były palitviazień Źmicier Furmanaŭ
Kłaŭdzij Duž-Dušeŭski (1891—1959) — siabra Rady BNR, aŭtar prajekta bieła-čyrvona-biełaha ściaha, architektar Litbudprajekta i dacent Kovienskaha ŭniviersiteta. Dvojčy byŭ aryštavany savieckimi ŭładami, viazień niamieckaha kancłahiera. Za dapamohu jaŭrejam padčas Druhoj suśvietnaj vajny paśmiarotna ŭznaharodžany prezidentam Litvy.
Čytajcie taksama:
Jak bieł-čyrvona-bieły ściah staŭ nacyjanalnym
«Naš ściah taptali i niščyli, a jon žyvie». Apošniaje intervju historyka Uładzimira Lachoŭskaha
a jašče viedaju, jak miascovyja kazali... habrej - heta čysty, a ž*d - miašany ź miascovymi
voś niejak tak...