Znajści
Ałharytmičny łacinski varyjant
25.03.2023 / 22:453RusŁacBieł

«Pieramoha nad maskavitami budzie ahulnaj. Razam, kažuć, lahčej». Z Dniom Voli biełarusaŭ pavinšavała ŭkrainskaja raźviedka

Hałoŭnaje ŭpraŭleńnie raźviedki (HUR) Minabarony Ukrainy pavinšavała biełarusaŭ z Dniom Voli. Jany adznačajuć, što ŭ hety dzień hod tamu bataljon Kalinoŭskaha pryniaŭ prysiahu na viernaść biełaruskamu narodu.

Vinšavańnie biełarusam apublikavanaje ŭ aficyjnym kanale HUR:

«25 sakavika biełarusy va ŭsim śviecie adznačajuć Dzień Voli. Dla kožnaha hramadzianina Biełarusi, jaki maryć ab volnaj nacyjanalnaj dziaržavie, hetaje śviata maje i zaŭsiody budzie mieć asablivy sens.

Zrešty, biełarusy nie tolki marać, ale i dziejničajuć: roŭna hod tamu, 25 sakavika 2022 hoda bajcy bataljona imia Kastusia Kalinoŭskaha ŭ atakavanym rasijskimi rakietami Kijevie pryniali prysiahu na viernaść biełaruskamu narodu i stali zmahacca za svabodu dla svajoj nacyi sa zbrojaj u rukach.

Vola i ŭkrainskaha, i biełaruskaha narodaŭ pad pahrozaj adnaho žorstkaha i nieadekvatnaha voraha. Paraza Maskovii na poli boju va Ukrainie i dalejšaje krušeńnie impieryi zła daść biełarusam novy šaniec na karennyja źmieny ŭ ich krainie.

Vola — naša ahulnaja kaštoŭnaść. Tak što i zdabytaja pieramoha nad maskavitami budzie ahulnaj.

Ukraina zaŭsiody budzie pobač jak nadziejny dobry siabar i vietlivy susied. Razam, kažuć, lahčej. Za vašu i našu budučyniu — da boju!

Z Dniom Voli! Žyvie Biełaruś!»

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
2
HUR nie dahavorvaje/adkazać/
25.03.2023
Razam lohka j baćka bici. (biełaruskaja narodnaja prymaŭka) Słava Ukrainie! Słava biełaruskim dobraachvotnikam!
3
Valadzimir/adkazać/
26.03.2023
HUR nie dahavorvaje, tak hłupa spaliŭsia z-za adnoj litary.)
Rus.: im. padiež - otiec; vin.padiež - otca.
Bieł.: im. padiež - baćka; vin. padiež - baćku.
Učitie matčasť, sudaŕ. 
0
Siaržant/adkazać/
26.03.2023
UFSIN tožie povinšavała, hovoriat.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera