Prykmietnaja akcyja na Dzień Voli prajšła ŭ Batumi
25 sakavika ŭ hruzinskim Batumi adbyłasia vialikaja akcyja da Dnia Voli, repartaž ź jaje apublikavała «Radyjo Racyja».
Raspačałasia akcyja šeściem pa centralnaj vulicy Abašydze i zaviaršyłasia na Płoščy Jeŭropy. Na akcyi hučali pramovy pradstaŭnikoŭ biełaruskaj dyjaspary, prahučali vinšavańni z Dniom Voli ad Śviatłany Cichanoŭskaj, Ivonki Surviły, vajaroŭ z Pałka Kalinoŭskaha, Zianona Paźniaka.
«My, biełarusy, musim viarnuć svaju dziaržavu, volu, niezaležnaść i viarnucca sami z turmaŭ, emihracyi i z-pad strachu. Spadziavajusia, što chutka my budziem śviatkavać hetuju datu nie tolki na čužynie, ale i ŭ rodnych haradach: Minsku, Breście, Hrodnie!» — skazaŭ padčas mitynhu pradstaŭnik Biełaruskaj dyjaspary Adžaryi ŭ Kaardynacyjnaj radzie Raman Kiślak.
Vystupiŭ na mitynhu i pradstaŭnik ukrainskaj hramady ŭ Batumi Alaksiej Sieviarynienka: «Ja liču, što naša baraćba supolnaja. My majem ahulnaha voraha i my majem ahulnuju metu. Kaliści daŭno ŭ mianie ŭźnikła dumka: a što było b, kali b histaryčna pieramahła nie Maskovija, jakuju my ciapier viedajem jak Rasiju, a Vialikaje Kniastva Litoŭskaje? I mnie zdajecca, što nieŭzabavie my heta pabačym na ŭłasnyja vočy!»
Čytajcie taksama:
Jak biełarusy Vilni śviatkavali Dzień Voli ŠMAT FOTA
