Znajści
Ałharytmičny łacinski varyjant
26.03.2023 / 19:384RusŁacBieł

Dačku Kim Čen Yna zaŭvažyli ŭ kurtcy Dior za 2800 dalaraŭ

Dziaržaŭnyja ŚMI Paŭnočnaj Karei sfatahrafavali 10-hadovuju dačku lidara Paŭnočnaj Karei Kim Čžu E, kali jana prysutničała na čarhovym zapusku rakiety sa svaim baćkam Kim Čen Ynam na minułym tydni, paviedamlaje The Washington Post.

Admietnyja romby puchavika Dior dobra bačnyja na fota z dačkoj Kim Čen Yna

Heta byŭ «Chvason-17», zdolny dasiahać ZŠA. Jak raniej zajaŭlaŭ Pchieńjan, rakieta pavinna prademanstravać «žorstkuju pazicyju ŭ adkaz» na vajskovyja vučeńni ZŠA i Paŭdniovaj Karei, jakija praciahvajucca.

U Pchieńjanie ŭsio jašče choładna, tamu Kim Čžu E apranuła čornuju ciopłuju kurtku. Paŭdniovakarejski kanał TV Chosun, zaŭvažyŭšy charakternyja romby na joj, paviedamiŭ, što jana vyhladaje sapraŭdy identyčna toj, što pradajecca francuzskim luksavym brendam Christian Dior. Heta kurtka z apošniaj kalekcyi i raźličanaja na dziaciej 10—12 hadoŭ. Cana — 2800 dalaraŭ.

Puchavik ź dziciačaj kalekcyi pradajecca za 2800 dalaraŭ

Jak havorycca ŭ apisańni madeli, hety puchavik ušanoŭvaje spadčynu Doma sa znakavym matyvam Cannage. Heta asablivaja vyšyŭka, jakaja składajecca z hieamietryčnaha malunka z kvadrataŭ i dyjahanalaŭ. Padobny malunak źjaŭlajecca na mnohich vyrabach Dior, asabliva časta na sumkach. Uzor byŭ naviejany kresłam Napaleona III. 

Kresła Napaleona III, jakoje natchniła na stvareńnie kultavaha dla brenda ŭzoru

Puchavik vyrableny z čornaha vodaniepranikalnaha aksamitu, napoŭnieny pucham i pierjem.

Da minułaha listapada ŭłady KNDR nie paćviardžali najaŭnaść u lidara krainy dziaciej. Pavodle źviestak paŭdniovakarejskaj raźviedki, u ich z žonkaj Li Sol Čžu dźvie dački i syn — 2010, 2013 i 2017 hadoŭ naradžeńnia. Kim Čžu E — dziesiać hadoŭ. Apošnim časam Kim Čen Yn časta źjaŭlajecca z dačkoj na publičnych mierapryjemstvach.

Čytajcie taksama:

U KNDR pierajmianoŭvajuć ciozak dački Kim Čen Yna

Kim Čen Yn pahladzieŭ spartyŭnyja spabornictvy razam z dačkoj

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
daviedka/adkazać/
26.03.2023
Dior padaryu.
0
SHOS /adkazać/
26.03.2023
[vydalena – Red.] dieržat v załožnikach ciełuju stranu
0
dobry viečar /adkazać/
26.03.2023
daviedka, razam s Kryścijanam ŭ hości prychodzili.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera