U Staŭrapali znojdzieny zastrelenym Hieroj Rasii, jaki ŭdzielničaŭ u vajnie va Ukrainie ŭ 2014 hodzie
Cieła Hieroja Rasii Dźmitryja Lisickaha z ahniastrelnym ranieńniem było znojdziena kala 10 ranicy 26 sakavika ŭ jaho kvatery ŭ Staŭrapali, paviedamiła siońnia «Baza».
Pra śmierć Lisickaha ŭkrainskija ŚMI napisali ŭčora. Jany raskazali pra heta jak pra «likvidacyju» i «pomstu za Iłavajsk».
«Siońnia ŭkrainskija voiny znoŭ adpomścili za Iłavajsk — likvidavali kamandzira 1-ha bataljona 247-ha desantna-šturmavoha pałka Dźmitryja Lisickaha», — 26 sakavika napisaŭ ukrainski žurnalist Juryj Butusaŭ.
«Baza» siońnia vykazała inšuju viersiju: nibyta padpałkoŭnik Dźmitryj Lisicki skončyŭ žyćcio samahubstvam.
Dźmitryj Lisicki kamandavaŭ 1-m desantna-šturmavym bataljonam 247-ha desantna-šturmavoha pałka. Jon vajavaŭ u Abchazii, Čačni, Juhasłavii, Ukrainie i inš., a ŭ 2015 hodzie za Iłavajsk atrymaŭ zvańnie Hieroja Rasii.
