Znajści
Ałharytmičny łacinski varyjant
28.03.2023 / 08:0318RusŁacBieł

U Prykarpaćci razmnožylisia zialonyja papuhai. Zdajecca, chutka jany raśsielacca i na poŭdni Biełarusi

Ekzatyčnaja ptuška za paŭtara hoda nastolki raspaŭsiudziłasia ŭ Čarnaŭcach va Ukrainie, što pačynaje stanavicca prablemaj dla miascovaj faŭny.

Papuhai na drevach u vakolicach Čarnaŭcoŭ. Fota: staronka deputata Čarnavickaha haradskoha savieta Alaksieja Hryniuka ŭ Facebook

Jak paviedamlajuć sacyjalnyja sietki, papuhai dobra siabie adčuvali hetaj zimoj u Čarnaŭcach i susiednich vioskach. A jašče ŭ 2022 hodzie mer horada vykłaŭ fota papuhajaŭ na haradskich drevach. Ciapier jany stali zvyčajnaj haradskoj ptuškaj.

Heta invaziŭny vid papuhajaŭ — papuhaj Kramiera, ci indyjski kolčaty papuhaj. Hetaja ptuška vytrymlivaje choład da minus 20 hradusaŭ marozu i ŭsiojednaja. Jana moža charčavacca adkidami sa śmietnicy. Heta adziny papuhaj, jaki žyvie adrazu ŭ dźviuch častkach śvietu. Zvyčajnym areałam raśsialeńnia hetaha vidu papuhajaŭ źjaŭlajecca Paŭdniovaja Azija i šerah rajonaŭ Afryki.

Adnak nie treba śpiašacca radavacca. Jany ŭjaŭlajuć taksama niebiaśpieku dla miascovych ekasistem, parušajučy isnujučy mižvidavy bałans i akazvajučy surjozny cisk na niekatoryja miascovyja vidy ptušak. Papuhai zajmajuć dupły, dzie pryvykli hniezdavacca inšyja ptuški-staražyły, asabliva dziatły. Navat papulacyi kažanoŭ ad ich vielmi pakutujuć, bo hetyja papuhai taksama ich «vysialajuć» z damoŭ.

Treba adznačyć, što papuhai Kramiera žyvuć kałonijami ci vialikimi hrupami. Arnitołahi paraŭnoŭvajuć hetuju ptušku z kałaradskim žukom, jaki taksama spačatku byŭ ekzotykaj, a paźniej staŭ asnoŭnym voraham paletkaŭ bulby i inšych paślonavych raślin.

Śpiecyjalisty adznačajuć, što hetych ptušak usio čaściej možna ŭbačyć u roznych miescach Jeŭropy, dzie ich raniej nie było.

U Łondanie papuhai apošnija hady pačali ŭjaŭlać surjoznuju prablemu dla horada, nanosiačy škodu pasadkam kulturnych pładovych dreŭ. Bolš za toje, papuhai Kramiera pačali chutka vyciaśniać spradviečnyja brytanskija vidy ptušak ź ich ekałahičnych nišaŭ. Niebiaśpieku ŭjaŭlaje taksama i toje, što papuhai mohuć raznosić zachvorvańni ptušak.

Jak raskazali niadaŭna «Našaj Nivie» miascovyja žychary, papuhajaŭ užo zaŭvažyli i ŭ adnym z rajonaŭ Bieraściejščyny.

Čytajcie jašče:

Na Paleśsi pabačyli pieršych busłoŭ, što prylacieli z vyraju. Sioleta jany viarnulisia raniej, čym zvyčajna

Jak adpudzić kunicu — hety źviarok miły, ale ad jaho byvaje stolki prablem

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Haspadynia iz Hirmanii/adkazać/
30.03.2023
Ukusnyje naviernaje očeń, kak rabčyki, s majaniezikam nimieckim, pad šubaj łučše!
0
Cim/adkazać/
30.03.2023
U niamieckim Kiolnie hetych zielanušak jak vierabjoŭ :)
0
dočka Maksima Dizajniera/adkazać/
30.03.2023
Haspadynia iz Hirmanii, nu vy j fošyzdka)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera