Znajści
Ałharytmičny łacinski varyjant
28.03.2023 / 07:09RusŁacBieł

Rasijanie amal dajšli da centra Bachmuta — ISW

Amierykanski instytut vyvučeńnia vajny (ISW) u čarhovaj zvodcy kanstatuje prasoŭvańnie rasijan u Bachmucie — z poŭdnia da centra i na paŭnočnym zachadzie horada.

Fota: Libkos / AP

Spasyłajučysia na hieałakavanyja videa, analityki ISW pišuć, u pryvatnaści, što zasnavalnik hrupy «Vahnier» Jaŭhien Pryhožyn byŭ 27 sakavika ŭ budynku bachmuckaj 5-j škoły — heta mienš za kiłamietr na paŭdniovy ŭschod ad Bachmuta.

Akramia taho, ISW paviedamlaje — taksama abapirajučysia na hieałakavanyja zdymki — što rasijanie prasunulisia na paŭnočnym zachadzie horada, u pramzonie i ŭzdoŭž vulic Zialonaja i Alaksandry Kałpakovaj — heta ŭ pary kiłamietraŭ ad samaha centra Bachmuta.

Aŭtary zvodki adznačajuć, što, pavodle paviedamleńniaŭ rasijskich vajskovych błohieraŭ, u šturmie Bachmuta najmitam z PVK «Vahnier» dapamahajuć rehularnyja častki rasijskaha vojska.

Ź inšaha boku, ISW źviartaje ŭvahu na paviedamleńnie pra śmierć daśviedčanaha bajca PVK «Vahnier» u rajonie Aŭdziejeŭki, na poŭnač ad Daniecka, i vykazvaje zdahadku, što niejkija najbolš bajazdolnyja častki pryvatnaj hrupoŭki mahli pierakinuć tudy.

«Rasijskaje vajennaje kiraŭnictva ŭ apošnija tydni mahło vyrašyć adpravić peŭnyja častki «Vahniera» ŭ rajon Aŭdziejeŭki, kab padtrymać vymatanyja i nizkajakasnyja častki Danieckaj narodnaj respubliki, jakija sprabujuć uziać hety nasieleny punkt, — pišuć analityki ISW. — Kali takija bajcy «Vahniera» sapraŭdy vajujuć pad Aŭdziejeŭkaj, heta moža tłumačyć abmiežavanyja taktyčnyja pośpiechi [rasijan] u hetym rajonie ŭ apošni tydzień».

Čytajcie taksama:

Minabarony Vialikabrytanii: Rasijskija vojski viartajucca da abarony paśla niaŭdałaha nastupu na Bachmut

Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam

Rasijanie prasunulisia pad Bachmutam, ale nie mohuć nastupać u inšych kirunkach — brytanskaja raźviedka

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
0
Панылы сорам
0
Ха-ха
0
Ого
0
Сумна
2
Абуральна
8
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930