Biełaruś uviała licenzavańnie na vyvaz zbožža
Biełaruś uviała na paŭhoda licenzavańnie vyvazu za miežy krainy zbožžavych kultur, uklučajučy pšanicu, žyta, jačmień, a taksama hrečku. Adpaviednaja pastanova Savieta Ministraŭ apublikavanaja ŭ aŭtorak na Nacyjanalnym pravavym internet-partale.
«Ustanavić, što pa razavych licenzijach <…> ažyćciaŭlajecca vyvaz: za miežy Respubliki Biełaruś u dziaržavy — členy Jeŭrazijskaha ekanamičnaha sajuza (JEAES) tavaraŭ zhodna z dadatkam, jakija adbyvajucca z terytoryi Respubliki Biełaruś;<…> u dziaržavy, jakija nie źjaŭlajucca dziaržavami — členami JEAES,<…> tavar <…> pry ich źmiaščeńni pad mytnuju praceduru ekspartu», — havorycca ŭ dakumiencie.
U pieralik zabaronienych da vyvazu bieź licenzii zbožžavych taksama ŭvajšli avios, kukuruza, prosa, trycikale.
Vydača razavych licenzij budzie pravodzicca Ministerstvam antymanapolnaha rehulavańnia i handlu pa ŭzhadnieńni z abłasnymi i Minskim haradskim vykankamami. U liku inšych padstaŭ dla admovy ŭ vydačy licenzij pakazvajecca «nieabchodnaść zadavalnieńnia (zabieśpiačeńnia) patreby ŭnutranaha rynku ŭ tavarach, zajaŭlenych da vyvazu». Zabarona na vyvaz zbožža bieź licenzii budzie dziejničać na praciahu šaści miesiacaŭ.
