Cichanoŭskaja ŭźniała pytańnie jadziernaj zbroi ŭ Biełarusi na sustrečy z Salivanam
Śviatłana Cichanoŭskaja sustrełasia z daradcam prezidenta ZŠA pa pytańniach nacyjanalnaj biaśpieki Džejkam Salivanam. Jana ŭźniała pytańnie ab raźmiaščeńni ŭ Biełarusi rasijskaj jadziernaj zbroi, pra što niadaŭna abviaściŭ prezident RF Uładzimir Pucin.
Džejk Salivan i Śviatłana Cichanoŭskaja. Fota: @komadovsky / twitter
Cichanoŭskaja nazvała hetaje rašeńnie nieprymalnym. Jana taksama vystupiła za pryniaćcie previentyŭnych mier, jakija mahli b praduchilić źjaŭleńnie jadziernaj zbroi ŭ Biełarusi. Jana padkreśliła, što raźmiaščeńnie TIAZ parušaje Kanstytucyju Biełarusi, jaje biaźjadzierny status.
Jašče adnym mierapryjemstvam prahramy vizitu Cichanoŭskaj u ZŠA staŭ udzieł u dyskusii pra palitviaźniaŭ u litoŭskaj dypmisii ZŠA. Razam ź Cichanoŭskaj u dyskusii pryniali ŭdzieł namieśnik ministra zamiežnych spraŭ Litvy Mantas Adamienas i namieśnik dziaržsakratara ZŠA Uzra Zieja.
Čytajcie jašče:
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
ES hatovy ŭvieści novyja sankcyi, kali ŭ Biełarusi budzie raźmieščana jadziernaja zbroja, — Barel
