Znajści
Ałharytmičny łacinski varyjant
28.03.2023 / 12:37RusŁacBieł

«Mrazota, svałota, śvinota». Z-kanały pryznali, što raspaŭsiudzili fejk, u jakim nibyta ŭkrainski vajskoviec abražaje žančynu ź dziciem

Učora ŭ rasijskich prapahandysckich kanałach zavirusiłasia videa, u jakim ukrainskija vajskoŭcy padrazajuć na mašynie aŭto žančyny ź dziciem. Na kadrach — vajenny ščodra abražaje žančynu, taja molić ab litaści, dzicia harłapanić, vajenny daje aŭtamatnuju čarhu ŭ bok mašyny z cyvilnymi.

Kadr z fejkavaha videa

Siońnia prarasijski telehram-kanał «Zapiski vietierana» pryznaŭ, što videa — zrobleny rasijanami fejk. Aficyjny tvitar MZS Rasii vydaliŭ rolik sa svajho kanała. Rasśledavalniki miarkujuć, što źniaty rolik byŭ u akupavanaj Makiejeŭcy.

Na videa, jakoje raspaŭsiudziłasia ŭ rasijskich telehram-kanałach, — nibyta zdymka ź videarehistratara aŭtamabila, na jakim jedzie žančyna ź dziciem.

Ich abhaniaje mašyna z ukrainskim ściaham, ź jaje vychodziać uzbrojenyja ludzi. Adzin ź ich nazyvaje žančynu «mrazotaj» i «svałotaj». Paśla taho, jak žančyna adkazvaje im pa-rusku, jon patrabuje razmaŭlać pa-ŭkrainsku i nazyvaje jaje «śvińnioj». U kancy jon adkryvaje stralbu — dzicia i žančyna, tvaraŭ jakich nie vidać, hałosiać.

Videa zjaviłasia ŭ bujnych prarasijskich kanałach, u tym liku Readovka, WarGonzo, kanale vajenkara Alaksandra Koca. Rolik apublikavaŭ taksama aficyjny tvitar MZS Rasii.

«Adnojčy nacyst — nazaŭždy nacyst. U takim terory žyvuć ukraincy: pahladzicie, jak ukrainskija vajskoŭcy źnievažajuć i abstrelvajuć maci ź dziciem na zadnim siadzieńni, nazyvajučy jaje «śvińnioj» prosta za toje, što… jana havoryć pa-rusku», — napisaŭ u publikacyi MZS.

Siońnia adzin z rasijskich kanałaŭ, jaki apublikavaŭ hetaje videa, pryznaŭ, što jano fejkavaje.

«Našy kryva praktykujucca. U praviadzieńni takich infarmacyjnych apieracyj našym jašče vučycca i vučycca», — havorycca ŭ paście.

MZS RF vydaliŭ svoj post z kanała.

Karystalnik PStyle0ne1 ŭ tvitary śćviardžaje, što videa źniataje ŭ rasijskim tyle — u rajonie horada Makiejeŭka pad Danieckam, akupavanym Rasijaj z 2014 hoda. Hety analiz pieradrukavaŭ akaunt GeoConfirmed, jaki śpiecyjalizujecca na hieałakacyi.

Da taho ž, va Ukrainie z sakavika minułaha hoda zabaroniena vykarystańnie videarehistrataraŭ u aŭtamabilach, kab paźbiehnuć pieradačy infarmacyi ab pieramiaščeńni vojskaŭ, źviarnuŭ uvahu kanał «Ahientstvo. Novosti».

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
7
Ха-ха
41
Ого
3
Сумна
3
Абуральна
21
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
12345
6789101112
13141516171819
20212223242526
2728293031