Piaskoŭ raskazaŭ, što mohuć abmierkavać Pucin i Łukašenka na sustrečy ŭ krasaviku
Uładzimir Pucin i Alaksandr Łukašenka na pasiadžeńni Vyšejšaha dziaržsavieta (VDS) Sajuznaj dziaržavy ŭ krasaviku mohuć abmierkavać u tym liku i pytańni biaśpieki. Pra heta paviedamiŭ žurnalistam u aŭtorak pres-sakratar rasijskaha lidara Dźmitryj Piaskoŭ, piša TASS.
Alaksandr Łukašenka i Uładzimir Pucin padčas adnoj z sustreč
Tak jon adkazaŭ na pytańnie pra toje, ci płanujucca asobnyja pieramovy kiraŭnikoŭ dźviuch dziaržaŭ i ci budzie na ich abmiarkoŭvacca inicyjatyva, jakaja tyčycca schovišča dla taktyčnaj jadziernaj zbroi ŭ Biełarusi.
«Paradak dnia VDS pierš za ŭsio, viadoma ž, fakusujecca na biahučych aktualnych pytańniach raźvićcia našaj Sajuznaj dziaržavy. Ale pry nieabchodnaści, viadoma, tam mohuć razhladacca i pytańni, źviazanyja ź biaśpiekaj. Tym bolš tema ŭ suviazi ź viadomymi padziejami, u suviazi ź niedružalubnym asiarodździem našych krain źjaŭlajecca vielmi aktualnaj», — padkreśliŭ pradstaŭnik Kramla.
Čytajcie jašče:
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
ES hatovy ŭvieści novyja sankcyi, kali ŭ Biełarusi budzie raźmieščana jadziernaja zbroja, — Barel
