Znajści
Ałharytmičny łacinski varyjant
29.03.2023 / 09:217RusŁacBieł

Jakija novyja sankcyi mohuć uvieści suprać Biełarusi ŭ adkaz na raźmiaščeńnie rasijskaj jadziernaj zbroi?

Premjer-ministr Polščy Matevuš Maraviecki zajaviŭ, što rašeńnie Rasii raźmiaścić taktyčnuju jadziernuju zbroju ŭ Biełarusi budzie aznačać dla Biełarusi bolš surovyja sankcyi. Spytali ŭ ekśpierta, jakija haliny ekanomiki jany mohuć zakranuć.

Čatyry najbolš imaviernyja kirunki

«Značnaja častka taho, što z boku ES možna było vykarystać, užo była vykarystana, tamu manieŭraŭ dla ŭviadzieńnia novych značnych i adčuvalnych sankcyj zastałosia nie tak šmat», — ličyć ekśpiert BEROC Źmicier Kruk.

Ekanamist nie vałodaje insajdami nakont taho, jakija mienavita sankcyi mohuć być uviedzieny ŭ adkaz na raźmiaščeńnie jadziernaj zbroi. Jon ahučvaje čatyry najbolš imaviernyja kirunki, jakija mohuć patrapić pad novyja abmiežavańni.

Čyhunačny tranzit

Pieršy ź ich — dalejšaje skaračeńnie i abmiežavańnie tranzitu tavaraŭ čyhunačnymi šlachami ažno da poŭnaha zakryćcia tavarnaha ruchu praz čyhunku. 

«Zychodziačy z taho, što značnaja častka tranzitu kitajskich tavaraŭ praciahvaje iści praz nas u ES mienavita čyhunkaj, to heta mienavita toje miesca, na jakoje mohuć cisnuć. Buduć upłyvać na ŭsio, što źviazana z tranzitam.

Peŭnaje ŭzmacnieńnie abmiežavańniaŭ usio jašče mahčymaje i na aŭtadarožnym tranzicie.

Mohuć dalej vyrašacca pytańni adkryćcia ci zakryćcia naziemnych punktaŭ propusku, choć stupień abmiežavańnia pa aŭtadarožnym ruchu ŭžo davoli vysokaja», — kaža ekśpiert.

Adklučeńnie ad SWIFT

Pa-druhoje, ekanamist ličyć, što ES moža pajści na pašyreńnie sankcyj u bankaŭskim siektary šlacham adklučeńnia biełaruskich bankaŭ ad SWIFT. 

«Kolki bankaŭ patrapić pad sankcyi, užo budzie zaležać ad taho, nakolki vysoka jeŭrapiejski bok acenić dla siabie pahrozu ad dziejańniaŭ Biełarusi. Heta moža być jak poŭnaje adklučeńnie ŭsich bankaŭ, tak i tolki častki, jak heta ŭžo adbyłosia».

Abmiežavańni na impart

Trecim punktam Źmicier Kruk nazyvaje pašyreńnie sankcyj na ŭvoz tavaraŭ u Biełaruś. 

«Ciapier skłałasia takaja situacyja, što sankcyi na ŭvoz u dačynieńni da Biełarusi i Rasii adroźnivajucca, tamu jašče da hetaj zajavy Pucina išli razmovy pra toje, što jość łohika ŭ ich unifikacyi. Tamu ŭ hetym kirunku taksama jość patencyjał da ŭzmacnieńnia sankcyjnych abmiežavańniaŭ», — adznačaje ekśpiert.

Piersanalnyja sankcyi

Čaćviorty kirunak, kudy, na dumku ekanamista, mohuć raspaŭsiudzić novyja abmiežavańni, — heta piersanalnyja sankcyi ŭ dačynieńni da peŭnych asob. 

«Piersanalnyja sankcyi nie takija adčuvalnyja dla ekanomiki całkam, ale vielmi adčuvalnyja dla asobnaha biznesu. Dla peŭnych ludziej heta vielmi balučyja pytańni, tamu jany robiać usialakija namahańni, kab abyści ich. Pošuk takich asob i biznesu taksama zastajecca patencyjnym kirunkam dla pašyreńnia sankcyjnaha cisku».

Adnymi z samych adčuvalnych sankcyj dla Biełarusi źjaŭlajucca abmiežavańni na ekspart, ale jany byli ŭviedzieny jašče paŭtara hoda tamu.

«Kali kazać ahułam, to treba pamiatać, što sankcyi biaskonca pavialičvać niemahčyma, bo ŭ peŭny momant jany ŭpirajucca ŭ stol. Kali ŭžo amal usie stasunki razarvanyja, to ciažka dalej pašyrać sankcyi», — ličyć ekśpiert.

«Naša Niva» — bastyjon biełaruščyny

PADTRYMAĆ

Čytajcie taksama: 

«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»

Łukašenka ŭ 2022-m: «Ja nie płanuju raźmiaščać jadziernuju zbroju. Takoha nikoli nie było». Pucin u 2023-m: «Alaksandr Ryhoravič daŭno prasiŭ raźmiaścić jadziernuju zbroju» 

Raźmiaščeńnie jadziernych bojezaradaŭ u Biełarusi nie supiarečyć Dahavoru ab nieraspaŭsiudžańni jadziernaj zbroi — MZS

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
12
Mojša/adkazać/
29.03.2023
Kali sankcyi ŭpprlisia ŭ stol ty raptam razumieješ što heta ŭsio fufło, režym jak stajaŭ tak i staić ćvierda na nahoch i tolki zvfčajnyja ludzi pačynajuć pamirać ad hołada
1
Sankcyi na durnotu/adkazać/
29.03.2023
Nakolki kraina "prahłynutaja" ci samastojnaja možna mierkavać pa zdolnaści krainy pravodzić svaju palityku. Ci moža kraina vystavić za miažu rasijskuju armiju? Nie? To jakim bokam "śvift" pahoršyć suvierenitet krainy? Ci moža hrupa dyviersantaŭ z hetaj čužoj armii uziać šturmam rezidencyju, ci prosta pierastreć na darozie? Moža? Ale znoŭ "śvift" tut jakim bokam? Ci moža hetaja kraina sa "śviftam" udzielničać u jadziernaj vajnie, jak užo udzielničaje ŭ vajnie niejadziernaj? Intehracyjnyja karty kali sačynialisia, da sankcyj ci paśla? Vajna z Ukrainaj kali płanavałasia? Usio hetaje varjactva było prydumana i pačało ŭvasablacca zadoŭha da sankcyj, i raniej za 2020 hod. Łamanuli by "śvift" u žniŭni-vieraśni 20-ha, to sieła by ŭsia mientura na zadnicu, bo usie ichnyja vyhody razam by spynilisia.
1
Nia treba nyć!/adkazać/
29.03.2023
Brest siła, elekt-Prezident Paŭnočnaj Karei nie vystupaje ŭ AAN, Radzie Jeŭropy, Sienacie ZŠA i bahata dzie jašče.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera