Znajści
Ałharytmičny łacinski varyjant
29.03.2023 / 09:5411RusŁacBieł

Dyrektar Instytuta hienietyki RAN zajaviŭ, što da Suśvietnaha patopu ludzi žyli 900 hadoŭ. A ciapier žyvuć mienš z-za «pieršarodnaha hrachu»

Dyrektar Instytuta ahulnaj hienietyki imia Vaviłava Rasijskaj akademii navuk, člen-karespandent RAN Alaksandr Kudraŭcaŭ vystupiŭ ź niečakanymi dla navukoŭca zajavami. 

Alaksandr Kudraŭcaŭ. Fota: scientificrussia.ru

Kudraŭcaŭ ličyć, što da Suśvietnaha patopu praciahłaść žyćcia ludziej dasiahała 900 hadoŭ, piša meduza.io. Pra heta jon zajaviŭ na pasiadžeńni III mižnarodnaj navukova-bahasłoŭskaj kanfierencyi «Boh — Čałaviek — Śviet», jakoje prajšło 14 sakavika. Žurnalisty źviarnuli ŭvahu na videazapis mierapryjemstva tolki ciapier.

Kudraŭcaŭ vystupiŭ adnym z dakładčykaŭ kanfierencyi, raspavioŭšy «pra svaju karcinu śvietu».

Jon zajaviŭ, što Boh stvaryŭ śviet daskanałym i harmaničnym, ale paśla hrechapadzieńnia ludziej usia «Ziamla i daskanały Suśviet stali tlennymi».

Spasłaŭšysia na hrafik, jaki «možna znajści ŭ internecie» i jaki pry hetym dyrektar Instytuta, ź jahonych słoŭ, «sam budavaŭ», Kudraŭcaŭ zajaviŭ, što raniej ludzi žyli 900 hadoŭ. Praciahłaść žyćcia pačała padać, skazaŭ jon, paśla Suśvietnaha patopu.

Pryčynaj skaračeńnia praciahłaści žyćcia dyrektar Instytuta nazvaŭ «pieršarodny hrech». «Pieršarodnym, rodavym i asabistym» hrachami Kudraŭcaŭ patłumačyŭ hienietyčnyja chvaroby. Pry hetym dzieci «da siomaha kalena adkazvajuć za hrachi baćkoŭ», dadaŭ jon.

Taksama ŭ svaim dakładzie dyrektar Instytuta vykazaŭsia na temu rasijskaha ŭvarvańnia va Ukrainu. Sa słoŭ Kudraŭcava, śviet nibyta nie daść Rasii «žyć spakojna i raźvivacca pavodle ŭłasnaha scenara».

«Našy resursy, u pieršuju čarhu našy resursy charčavańnia, čystaj vady, enierhii, zanadta pryvabnyja dla navakolnaha śvietu, niachaj heta budzie Jeŭropa ci Kitaj. Tamu chočam my taho ci nie, ale nam daviadziecca abaraniacca i abaraniacca vajennym šlacham. Pa sutnaści, my ŭžo pačali heta rabić», — skazaŭ na zakančeńnie člen RAN.

My dazvalajem štučnamu intelektu prymać za nas zanadta šmat rašeńniaŭ — psichołah

Smartfony stvarajuć pahrozu psichičnamu zdaroŭju padletkaŭ

Što takoje ChatGPT i čamu da jaho staviacca nieadnaznačna?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Žieleznyj Drovosiek /adkazać/
29.03.2023
U krainie z asablivaściami raźvićcia,dzie Ziamla płoskaja i amierykancaŭ na Miesiacy nie było,heta zvyčajnaja zajava. Peŭna,navukoŭcy tam taksama z asablivaściami.
0
Antyp/adkazać/
29.03.2023
Dyk ža i na Mafusaile lažaŭ užo pieršarodny hrech, ale ž heta nie pieraškodziła jamu stać rekardsmienam pa praciahłaści žyćcia. 
0
M&M's/adkazać/
30.03.2023
Zrabiŭ adkryćcio? U Tory pra heta tysiačy hadoŭ, jak napisana)
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031