Znajści
Ałharytmičny łacinski varyjant
29.03.2023 / 10:442RusŁacBieł

Prakuror padaŭ apielacyjny pratest na prysud pa «spravie «Viasny». Jon patrabuje bolšyja terminy

Prakuror vystupiŭ z apielacyjnym pratestam na prysud suda Leninskaha rajona Minska ad 3 sakavika, jakim traim palitźniavolenym pravaabaroncam «Viasny» pryznačany žorstkija terminy ad 7 da 10 hadoŭ kałonii. Pra heta paviedamiŭ u liście na volu asudžany da dzieviaci hadoŭ kałonii Valancin Stefanovič, piša «Viasna».

Aleś Bialacki, Uładź Łabkovič i Valancin Stefanovič. Fota: BiełTA

Alaksandr Karol prasiŭ bolšyja na dva hady kožnamu terminy źniavoleńnia i bolš bujnyja štrafy, ale sudździa Maryna Zapaśnik vyniesła inšy prysud. Data razhladu pratestu pakul nieviadomaja.

3 sakavika sudździa Maryna Zapaśnik pryznačyła zasnavalniku pravaabarončaha centra «Viasna» i łaŭreatu Nobieleŭskaj premii miru Alesiu Bialackamu 10 hadoŭ kałonii, namieśniku staršyni «Viasny» i vice-prezidentu FIDH Valancinu Stefanoviču — 9 hadoŭ kałonii, kaardynataru kampanii «Pravaabaroncy za svabodnyja vybary» i jurystu Uładzimiru Łabkoviču — 7 hadoŭ kałonii, pravaabaroncu «Viasny» Dźmitryju Sałaŭjovu — 8 hadoŭ kałonii zavočna.

Ich pryznali vinavatymi pavodle č. 2 art. 342 Kryminalnaha kodeksa za «finansavańnie pratestaŭ» u 2020 hodzie i pavodle č. 4 art. 228 KK za «kantrabandu najaŭnych hrašovych srodkaŭ arhanizavanaj hrupaj». Usim, akramia Alesia Bialackaha, taksama pryznačyli štraf pamieram try tysiačy bazavych vieličyń (111 000 biełaruskich rubloŭ), staršyni «Viasny» pryznačyli, jak i prasiŭ prakuror, piać tysiač bazavych vieličyń štrafu (185 000 rubloŭ).

Taksama pastanavili spahnać u salidarnym paradku ź Bialackaha, Stefanoviča, Łabkoviča i Sałaŭjova sumu pamieram 752 438 rubloŭ 62 kapiejki (heta amal 297 650 dalaraŭ), jakuju jany nibyta «zdabyli złačynnym šlacham» praz «kantrabandu arhanizavanaj złačynnaj hrupaj». Mienavita hetaja suma fihuravała ŭ abvinavačańni pavodle č. 4 art. 228 Kryminalnaha kodeksa.

Padčas suda ich ruki byli ŭvieś čas u kajdankach za śpinaj. Pravaabaroncy nie pryznali svajoj viny.

«Dumaju, što im nie spadabalisia našy terminy, ličać ich zanadta miakkimi», — piša Valancin Stefanovič.

Čytajcie taksama:

10 hadoŭ. Vyniesieny prysud nobieleŭskamu łaŭreatu Alesiu Bialackamu

Što ciapier z Nobieleŭskaj premijaj Alesia Bialackaha?

«Było 17 varyjantaŭ nobieleŭskaj lekcyi». Vialikaje intervju Natalli Pinčuk ab premii i kachańni

«Dabro i praŭda pavinny ŭmieć abaraniać siabie». Nobieleŭskaja pramova Alesia Bialackaha

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Eŭropa zhniła/adkazać/
29.03.2023
Heta sapraŭdny sadyzm, heta złačynstva suprać čałaviečnaści, heta ŭžo nie fihuralna, a literalna stalinskija represii, a eŭropa maŭčyć i ničoha absalutna ničoha akramia zajaŭ nie robić.
0
Jadviha/adkazać/
29.03.2023
Eŭropa zhniła, aha, ona tak obiespokojena, čto až priam kušať nie možiet
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera