Znajści
Ałharytmičny łacinski varyjant
29.03.2023 / 11:084RusŁacBieł

Čas, hrošy, niervy: što zaraz z aŭtobusnymi turami ŭ Jeŭropu

Biełarusy i raniej vybirali aŭtobusnyja tury z-za tannaści, kab praz akno pahladzieć Jeŭropu. Na fonie «zakrytaha nieba» naziemny transpart staŭ prosta mahčymaściu patrapić u jeŭrapiejskija harady. Ale siońnia dla hetaha treba nazapasicca ciarpieńniem, bolš płacić i daŭžej čakać, piša «Točka».

Fota: pixaby.com

Vienhryja ź ispanskaj vizaj praz Maskvu

Niekatoryja turfirmy vielmi prosta vyrašyli dla siabie prablemu ź vizami: prapanujuć aŭtobusnyja tury tolki tym, u kaho jość šenhien. Tak adkazali ŭ adnoj z kampanij, u pryvatnaści, nakont turu ŭ Vienhryju.

Jašče niadaŭna pradstaŭnica turindustryi raskazvała, što pasolstva Vienhryi praz akredytavanaje ahienctva pad hrupavy tur dobra adkryvała vizy — ad hoda da troch hadoŭ.

Ciapier ža jašče ŭ adnoj turfirmie adznačyli, što navat dla hrup u vienhierskim pasolstvie nie paćviardžajuć zapisy dla padačy.

Mieniedžar prapanavaŭ aformić dazvolny štamp praź ispanski vizavy centr u Maskvie pad čatyrochdzionny tur Budapiešt — Viena z vyjezdam 6 maja. Tur kaštuje 210 jeŭra ŭ ekvivalencie.

Padavać pašpart dla vizy treba za dva-try tydni. Pry hetym turystyčnaja kampanija nie moža harantavać stapracentny vynik. Ale, jak pakazvaje praktyka, admovy ŭ Maskvie byvajuć vielmi redka. Tym nie mienš, pry niespryjalnym zychodzie apłata turpasłuhi (100 rubloŭ), vizavaj padtrymki (200 rubloŭ za zapis, dapamoha z dakumientami i tranśfier) i 80 jeŭra (u hetym vypadku) za vizu nie viartajucca.

Na pytańnie, ci nie spyniać polskija pahraničniki čałavieka, jaki jedzie ŭ Vienhryju pa ispanskaj vizie, u turahienctvie adkazali, što «prablem zvyčajna ź pierasiačeńniem miažy nie ŭźnikała». A nakont času čakańnia śpiecyjalist skazaŭ, što papiaredni tur stajaŭ na miažy kala piaci hadzin.

Francyja — Šviejcaryja, Šviejcaryja — Italija

Jašče ŭ adnoj kampanii paćvierdzili, što, «pa apošnich źviestkach», u adzinym na siońnia pahranpierachodzie ŭ Polšču čakańnie moža zaciahnucca ad 5 da 12 hadzin.

Tut prapanavali aŭtobusnuju prahramu «Šviejcaryja — Italija», ale tolki na 25 červienia (zastałosia šeść miescaŭ) i 13 žniŭnia. U hetym vypadku robicca italjanskaja viza. Pryčym u pasolstvie jana abydziecca ŭ 35 jeŭra, a praz VIP-zału (akazvajecca, jość i takoje) vizavaha centra — 114 jeŭra. Sam tur sa śniadankami dla adnaho kaštuje 590 jeŭra, dla dvuch-troch čałaviek — 470 jeŭra na kožnaha (biez uliku dapłat za ekskursii i padatku na turyzm).

Pad napramak «Francyja — Šviejcaryja» robicca francuzskaja viza (taksama 35 jeŭra). Ale najbližejšaja pajezdka — tolki 1 žniŭnia. Za adnamiesny numar sa śniadankami treba zapłacić 680 jeŭra, dvuch-trochmiascovy — 530 jeŭra dla kožnaha turysta (biez uliku dapłat za ekskursii i padatku na turyzm).

Pa słovach mieniedžara, u abodvuch pasolstvach admovy — redkaść. Adnak u płanie doŭhaterminovaści Italija — ​​łatareja, a voś «Francyja dobryja vizy stavić».

Ryzyka turfirmaŭ uzrastaje

Pradstaŭniki turfirmaŭ nieachvotna raskazvajuć ab prablemach i ryzycy, źviazanaj z arhanizacyjaj aŭtobusnych turaŭ. Tolki ŭryŭkami ad roznych krynic udałosia vyśvietlić niekatoryja niuansy.

Čakańnie na miažy zaraz moža raściahnucca da 12 hadzin, a značyć źmianić prahramy, parušyć režym pracy i adpačynku vadzicielaŭ, a taksama pavialičyć vydatki na arendu aŭtobusaŭ.

Jašče adna tema, jakaja zastajecca ŭ cieni: z červienia krainy ES pierastanuć supracoŭničać ź Biełaruśsiu pa «Zialonaj karcie». Strachoŭki na transpart daviadziecca afarmlać dla kožnaj krainy, u tym liku tranzitnych, a heta mienš zručna i daražej.

Taksama, miarkujučy pa ŭsim, turfirmy pavialičyli pramiežki pamiž turami, kab skaracić prapanovu i harantavać napaŭnialnaść aŭtobusaŭ. Heta vyklikana ŭ tym liku niaprostaj situacyjaj z afarmleńniem viz.

Čytajcie taksama:

«Ciapier ja b na heta nie pajšoŭ». Biełarus kupiŭ učastak ziamli na Zanzibary, ale akazałasia, što jość niuansy

«Pa vynikach apytańniaŭ, siamja mihrantaŭ tracić u siarednim kala 1700 dalaraŭ za miesiac». Što saboj ujaŭlaje sučasnaja Hruzija

Biełaruski turbiznes sioleta nie budzie ŭ stanie zadavolić popyt na vyjazny turyzm

Biełaruska pierajechała ŭ Paŭdniovuju Kareju. Jak tam žyviecca?

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Jaćviah/adkazać/
29.03.2023
Čatyry dni tamu na miažy dziesiać hadzin.
7
Anatol Starkou /adkazać/
29.03.2023
A my turysty-avanturysty! Pryjazdžajcie da nas usio, tolki zastavajcieś hierr-mieśje, nie patrebny nas amierykancy, a zaprašajem ščyra da nas afrykancau! Hosci-hosci, nas patrebny tolki hosci,
2
Chalera jasna/adkazać/
29.03.2023
Ja ŭ takim padarožžy " złaviŭ " KAVID
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera