Čerhi z fur na miažy ź Jeŭrasajuzam mienšymi nie stanoviacca — Pahrankamitet
Zvyš 1 940 hruzavikoŭ staić u čerhach na miažy ranicaj 29 sakavika ŭ čakańni ŭjezdu ŭ ES.
Fota: BiełTA
Pa stanie na 10:00 bolš za 1 tysiaču hruzavych mašyn sabrałasia pierad polskim punktam propusku «Kukuryki» («Kazłovičy»). Pry hetym kantrolnyja słužby Polščy nie stali pracavać chutčej i afarmlajuć mienš za 60% fur.
Što ž tyčycca litoŭskaha kirunku, to ŭ čarzie pierad punktam propusku «Miadzininkaj» («Kamienny Łoh») staić kala 520 hruzavikoŭ, u «Šalčyninkai» («Bieniakoni») — 380, u «Rajhardasie» («Pryvałcy») — 40.
Pavodle infarmacyi DPK, za minułyja sutki sumiežnyja kantrolnyja słužby prapuścili na svaju terytoryju tolki 13% fur ad normy.
Pavolnaje afarmleńnie lehkavych mašyn fiksujecca ŭ punktach propusku «Miadzininkaj» («Kamienny Łoh») i «Tarespal» («Brest») — 40% i 35% aŭto ad normy adpaviedna.
Čarha z fur na biełaruska-polskaj miažy raściahnułasia na 30 kiłamietraŭ
