U Barysavie školnik dapamahaŭ babulam padnieści torby, a potym abkradaŭ ich
Spačatku ŭ milicyju źviarnułasia 78-hadovaja žančyna. Jaje kašalok z hatoŭkaj i piensijnym paśviedčańniem dziŭnym čynam źnik, paviedamlaje abłasnaja milicyja.
Praź niekalki dzion z anałahičnaj zajavaj źviarnułasia 71-hadovaja piensijanierka. U jaje taksama źnik kašalok, u jakim znachodziłasia bujnaja dla pažyłoj žančyny suma hrošaj — amal 1100 rubloŭ.
Jak vyśvietlili apieratyŭniki, ciažkija pakiety z praduktami zajaŭnicam dapamahaŭ danieści da doma adzin i toj ža padletak. «Pamočnikam» akazaŭsia 16-hadovy školnik.
Adnak meta ŭ padletka była nie tolki dobraja: juny barysaŭčanin, skarystaŭšysia niaŭvažlivaściu piensijanieraŭ, vykraŭ z sumak kašalki.
Skradzienyja hrošy jon adrazu patraciŭ: nabyŭ telefon i elektronny parahienieratar.
Zaviedziena kryminalnaja sprava pa artykule «Kradziež».
Čytajcie taksama:
