Asudžanaha žurnalista Ivana Muraŭjova znoŭ źbirajucca sudzić
U anonsie pracesaŭ Minskaha haradskoha suda na 7 krasavika značycca pasiadžeńnie z ukazańniem proźvišča ŭžo asudžanaha videaapieratara Ivana Muraŭjova, zaŭvažyła Biełaruskaja asacyjacyja žurnalistaŭ. Dniami jaho pieraviali ŭ papraŭčuju ŭstanovu № 2 Babrujska paśla admovy ŭ zadavalnieńni apielacyjnaj skarhi.
Jak vynikaje z raskładu, paśla abiedu 7 krasavika sudździa Alena Šylko budzie razhladać spravu žurnalista i pradprymalnika Ivana Muraŭjova. Pasiadžeńnie ad pačatku zapłanavana ŭ zakrytym farmacie.
Hetaja samaja sudździa ŭžo viała papiaredni praces, pa vynikach jakoha asudziła videaapieratara-fryłansiera da 2,5 hoda kałonii ahulnaha režymu.
Z raspłyvistaha tłumačeńnia ŭ hrafie «sutnaść materyjału» ciažka zrazumieć pryčynu novaha pieraśledu Muraŭjova, adnak naściarožvaje, što jaho sprava značycca ŭ raździele «kryminalnaj vytvorčaści». U pryvatnaści, častka z matyviroŭkaj hučyć tak: «Inšyja pytańni, źviazanyja z pryviadzieńniem prysudu, rašeńnia, pastanovy ŭ vykanańnie».
Čytajcie taksama:
