U Indyi naradzilisia dzicianiaty hieparda. Heta adbyłosia ŭpieršyniu za 70 hadoŭ

Fota: pixabay

U Indyi ŭpieršyniu za 70 hadoŭ naradzilisia dzicianiaty hieparda. Pra heta 30 sakavika paviedamiła Bi-Bi-Si. Da hetaha žyvioły byli aficyjna abvieščanyja vymierłymi ŭ hetaj krainie.

Kraina dziesiacihodździami sprabavała reintradukavać žyvioł u svaich zapaviednikach. Situacyja źmianiłasia paśla taho, jak u minułym hodzie z Namibii ŭ Indyju było zavieziena 8 hiepardaŭ. Pa infarmacyi ahienctva, heta byŭ pieršy vypadak, kali takaja bujnaja drapiežnaja žyvioła była pieraviezienaja z adnaho kantynienta na druhi i znoŭ intehravanaja ŭ dzikuju pryrodu. Akramia hetaha, u lutym z Paŭdniovaj Afrycy ŭ Indyju taksama prybyli jašče 12 drapiežnych katoŭ.

«Čaćviora maleńkich hiepardaŭ naradzilisia ŭ zapaviedniku dzikaj pryrody nacyjanalnaha parku Kuna ad adnoj z samak, jakija ŭ minułym pryjechali z Namibii. Pradstaŭniki parka kažuć, što i maci, i dzieci zdarovyja», — adznačaje BBC.

Navinu ŭžo paśpieŭ prakamientavać ministr navakolnaha asiarodździa Indyi Bchupiender Jadau, nazvaŭšy hetuju padzieju «znakavaj». Vykazaŭsia navat premjer-ministr krainy Narendra Modzi, acharaktaryzavaŭšy heta jak «cudoŭnuju navinu».

Hiepardy ŭ Indyi źnikli ź dzikaj pryrody jašče ŭ 1952 hodzie. Ich kolkaść skaračałasia z-za adstrełu i asvajeńnia čałaviekam asiarodździa pražyvańnia. Azijacki hiepard znachodzicca pad pahrozaj źniknieńnia i ciapier sustrakajecca tolki ŭ Iranie, ale i tam ich zastałosia kala 50 asobin.

Čytajcie taksama:

U Pražskim zaaparku ŭpieršyniu ŭ Jeŭropie naradziłasia redkaja žyviolina

Novy fieniks: navukoŭcy blizkija da taho, kab uvaskresić vymierły vid ptušak

Pa Sieule try hadziny hulała ziebra. Žyvioła źbiehła ź miascovaha zaaparka, ale jaje ŭdałosia viarnuć

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

23

0

1

1

0

2