U Minsku zatrymali rasijanina, jakoha asudzili za antyvajennaje vykazvańnie, a dačku adpravili ŭ dzietdom
Alaksieja Maskalova, asudžanaha ŭ Rasii na dva hady kałonii pa abvinavačvańni ŭ paŭtornaj «dyskredytacyi» armii, zatrymali ŭ Minsku, paviedamiła krynica telehram-kanała SOTA.
Alaksiej Maskaloŭ i jaho dačka, jakuju zabrali ŭ jaho i adpravili ŭ internat, paśla taho jak jana namalavała antyvajenny malunak
Advakat Maskalova Dźmitryj Zachvataŭ napisaŭ, što suviazi z padabaronnym u jaho ciapier niama. Jahony telefon nie adkazvaje, paćvierdzić zatrymańnie jon nie moža, ale «pa ŭskosnych źviestkach usio tak i jość».
SOTA paviedamiła, što Maskalova, jak miarkujecca, zatrymali z-za taho, što jon uklučyŭ svoj mabilny telefon u minskaj kvatery, dzie chavaŭsia ad pieraśledu.
Žychar horada Jafremaŭ u Tulskaj vobłaści Alaksiej Maskaloŭ byŭ asudžany ŭ Rasii da dvuch hadoŭ kałonii ahulnaha režymu za antyvajennyja kamientaryi ŭ «Adnakłaśnikach».
Padčas razhladu spravy mužčyna znachodziŭsia pad chatnim aryštam, ale ŭ dzień vyniasieńnia prysudu stała viadoma, što jon źbieh.
Kryminalny pieraśled Maskalova pačaŭsia paśla taho, jak jaho dačka Maša namalavała ŭ škole na ŭroku antyvajenny malunak. Mašu zabrali ŭ prytułak. Kamisija pa spravach niepaŭnaletnich patrabuje, kab jaje baćku, jaki vychoŭvaje jaje adzin, pazbavili baćkoŭskich pravoŭ. Razhlad hetaha pytańnia ŭ sudzie pryznačany na 6 krasavika.
Čytajcie taksama:
Baćku rasijskaj školnicy, jakaja namalavała antyvajenny malunak, asudzili da dvuch hadoŭ kałonii
U Rasii chočuć zabaranić ŚMI pisać pra turemnaje minułaje «vahnieraŭcaŭ»
