ZŠA aceńvajuć rasijskija straty ŭ vajnie ŭ 220 tysiač vajskoŭcaŭ
Ministr abarony Vialikabrytanii Ben Uoles pryvioŭ apošniuju acenku ZŠA rasijskich strat u vajnie z Ukrainaj.
ZŠA aceńvajuć rasijskija straty prykładna ŭ 220 tysiač vajskoŭcaŭ paranienymi i zabitymi, skazaŭ jon.
Uoles nazvaŭ hetuju ličbu na sumiesnaj pres-kanfierencyi paśla sustrečy ź ministram abarony Šviecyi Połam Jonsanam.
Asnoŭnaja častka kanfierencyi była pryśviečanaja dałučeńniu Šviecyi i Finlandyi da NATA, i Uoles taksama vykazaŭsia ab praktycy vajennaha pryzyvu, jakaja zbolšaha praciahnułasia ŭ hetych krainach paśla suśvietnych vojnaŭ.
«Ja dumaju, my ŭsie zajzdrościm Šviecyi i Finlandyi ź ich zapasami reziervistaŭ», — skazaŭ jon.
«I ja dumaju, my pavinny pryznać, što adzin z urokaŭ vajny va Ukrainie zaklučajecca ŭ tym, što my pavinny stać macniejšymi. A heta šmat u čym zaležyć ad reziervaŭ», — skazaŭ Uoles, dadaŭšy, što z zadavalnieńniem by ŭbačyŭ padobnuju sistemu i ŭ Brytanii.
Čytajcie taksama:
Sakratar Rady nacyjanalnaj biaśpieki i abarony Ukrainy: Bachmut dla nas źjaŭlajecca klučavym punktam
