Eks-supracoŭniku banka «BiełVEB» dali šeść hadoŭ kałonii. «Sprava ČKB»
U Minskim abłasnym sudzie 17 lutaha ahučyli prysud 36-hadovamu byłomu supracoŭniku banka «BiełVEB» Vasilu Jermakovu — šeść hadoŭ kałonii va ŭmovach uzmocnienaha režymu. Jaho sudzili pa tak zvanaj «spravie Čornaj knihi Biełarusi» i abvinavacili pavodle troch artykułaŭ: č. 3 art. 130 (raspalvańnie inšaj sacyjalnaj varožaści), art. 352 (niepravamiernaje zavałodańnie kampjutarnaj infarmacyjaj), č. 3 art. 203-1 (niezakonnyja dziejańni ŭ dačynieńni da infarmacyi ab pryvatnym žyćci i piersanalnych danych), paviedamlaje «Viasna».
Vasil Jermakoŭ
Vasila zatrymali na pačatku lipienia 2022 hoda. Praŭładnyja telehram-kanały śćviardžali, što jaho zatrymali nibyta za «źliŭ» u bot «Čornaj knihi Biełarusi» asabistych danych siłavikoŭ, nastaŭnikaŭ i lekaraŭ.
U videa Jermakoŭ raspaviadaŭ, što ŭdzielničaŭ u mitynhach u Minsku i pieradaŭ infarmacyju pra supracoŭnikaŭ MUS u bot «Čornaj knihi Biełarusi», «skarystaŭšysia słužbovymi paŭnamoctvami».
Padtrymajcie palitviaźnia: SIZA-1, 220030, Minsk, Vaładarskaha, 2, Vasil Uładzimiravič Jermakoŭ.
Čytajcie taksama:
Zatrymali byłoha pamočnika prakurora Hłuskaha rajona — pa spravie «Čornaj knihi Biełarusi»