Znoŭ praciahnuli pahadnieńnie ab źnižkach u 10% na sacyjalna značnyja tavary
Dziejańnie pahadnieńnia ab nadańni źnižak na sacyjalna značnyja tavary pieršaj nieabchodnaści sacyjalna nieabaronienym katehoryjam nasielnictva praciahnuli jašče na try miesiacy — da kanca červienia. Adpaviednaje dadatkovaje pahadnieńnie padpisała Ministerstva antymanapolnaha rehulavańnia i handlu z pradstaŭnikami bujnych handlovych sietak, paviedamlaje BiełTA.
«My ŭ čarhovy raz damovilisia z handlovymi sietkami ab praciahu źnižak dla ŭraźlivych słajoŭ nasielnictva. Tak što hetaja papularnaja miera budzie i dalej dziejničać u našaj krainie, zabiaśpiečvać padtrymku tym, chto maje ŭ joj patrebu», — prakamientavaŭ pahadnieńnie ministr antymanapolnaha rehulavańnia i handlu Alaksiej Bahdanaŭ.
Kiraŭnik MARH raskazaŭ, što za čas dziejańnia źnižki — sa studzienia minułaha hoda — było vydadziena bolš za 1,5 młn źnižkavych kartak, a ahulnaja suma sacyjalnaj źnižki ŭžo pieravysiła Br25 młn.
Udzieł u hetym pahadnieńni pradstaŭlajecca ŭładami jak dobraachvotny, ale ŭ biełaruskich umovach naŭrad ci varta mieć nakont hetaha iluzii. U prajekt uklučyli 14 handlovych sietak. Sacyjalnaja źnižka ŭ 10% pavodle jaho ŭmovaŭ dajecca piensijanieram, invalidam, šmatdzietnym siemjam i małazabiaśpiečanym słajam nasielnictva.
Čytajcie taksama:
Biełarusam pry kuplańni stali čaściej naviazvać dadatkovyja pasłuhi
Chto zavozić u Biełaruś šakaład Ritter Sport, jaki trapiŭ pad łukašenkaŭskija «kontrsankcyi»?
