Znajści
Ałharytmičny łacinski varyjant
01.04.2023 / 10:066RusŁacBieł

Rezka raście kolkaść chvorych na suchoty. U čym pryčyna?

Kolkaść vyjaŭlenych u Biełarusi ŭ 2022 hodzie vypadkaŭ tubierkulozu akazałasia na 12,4% vyšejšaj, čym u 2021-m. Daktary źviazvajuć heta z pandemijaj kavidu i z žachlivymi ŭmovami ŭ biełaruskich turmach.

Rost tubierkulozu ŭ 2021 hodzie ŭpieršyniu zafiksavali va ŭsim śviecie. Pavodle źviestak Suśvietnaj arhanizacyi achovy zdaroŭja (SAAZ), kolkaść vypadkaŭ hetaj chvaroby vyrasła na 3—6 pracentaŭ. U Biełarusi tempy rostu jašče bolšyja.

Na pres-kanfierencyi pa baraćbie z suchotami, dzie vystupali hałoŭny ftyzijatr Minzdaroŭja Hienadź Hurevič i pradstaŭnik SAAZ u Biełarusi, było zajaŭlena ab roście kolkaści vyjaŭlenych vypadkaŭ na 12%.

Pry hetym kaardynatarka Fondu miedycynskaj salidarnaści Lidzija Tarasienka miarkuje, što da aficyjnych biełaruskich danych treba stavicca z aściarožnaściu: «Na žal, my bačym, što ludzi, jakija ciapier va ŭładzie, nie curajucca nijakaj chłuśni: uspomnicie kavid i danyja pra dzieviać pamierłych, jakija nam davali kožny dzień na praciahu niekalkich miesiacaŭ. Jość prykłady mahčymych manipulacyj sa statystykaj pa ankałohii. Hetyja ludzi nikudy nie syšli, jany zastalisia va ŭładzie. Tamu jakija ŭ nas padstavy daviarać tamu, što jany kažuć ciapier?»

Suchoty jak infiekcyja raspaŭsiudžanyja ŭ luboj papulacyi. Čałaviek moža ŭsio žyćcio być im infikavany, ale bolšaść nie zachvorvaje. Heta efiekt taho, što my ŭ dziacinstvie atrymlivajem vakcynacyju BCŽ. Kali ž chvaroba ŭsio-taki pačynajecca, časta jaje vielmi ciažka zaŭvažyć, heta nie apiendycyt.

Ci vinavaty ŭ sumnaj statystycy kavid? SAAZ miarkuje, što tak.

Lidzija Tarasienka pahadžajecca, što jon moh by być adnym z faktaraŭ rostu: «Pandemija paŭpłyvała na vyjaŭleńnie chvarobaŭ, u tym liku suchotaŭ i ankałohii. Padčas jaje ludzi mienš źviartalisia da daktaroŭ, u vyniku ich mienš praviarali i radziej vyjaŭlali chvarobu. Plus vyrasła nahruzka na achovu zdaroŭja, u tym liku na tyja ž aparaty renthienu i KT. Niedachop hrošaŭ i resursaŭ paŭpłyvaŭ na toje, što padčas pandemii vyjavili mienš vypadkaŭ suchotaŭ, ale heta nie značyć, što mienš ludziej zachvareła. Adpaviedna, u nastupnyja hady ŭ tych, u kaho nie vyjavili chvarobu raniej i chto pieražyŭ pandemiju, znojduć suchoty i praz heta vyraście kolkaść vypadkaŭ u hady paśla kavidu».

Jak pakazvajuć navukovyja danyja, suchoty i kavid źviazanyja nie tolki ŭskosna, ale i napramuju. Abiedźvie chvaroby pieradajucca pavietrana-kropielnym šlacham. Kali čałaviek infikavany ŭzbudžalnikam suchot, ale nie zachvareŭ, kavid moža aktyvavać «śpiačuju» bakteryju i chvaroba piarojdzie ŭ aktyŭnuju fazu.

Lidzija Tarasienka źviartaje ŭvahu, što Biełaruś — adna z terytoryj z samaj vialikaj ličbaj pa suchotach.

Adzin z faktaraŭ ryzyki pa suchotach — heta turemnaje źniavoleńnie, bo jano źviazanaje ŭ tym liku sa źnižeńniem imunitetu ŭ viaźniaŭ, stresam, drennym charčavańniem, raspaŭsiudžanaściu VIČ i ciesnatoj. Tarasienka źviartaje ŭvahu na toje, što ŭ Biełarusi najbolšaja kolkaść viaźniaŭ na dušu nasielnictva ŭ Jeŭropie, i hetyja ludzi ŭtrymlivajucca ŭ niečałaviečnych umovach, heta nie toje ž samaje, što jeŭrapiejskaja turma.

Tak, na suchoty ŭ źniavoleńni zachvareŭ 34-hadovy palitviazień Pavieł Vinahradaŭ. U lipieni minułaha hoda jaho pieraviali ŭ aršanskuju papraŭčuju kałoniju № 12, viadomuju tym, što tam utrymlivajucca i lečacca asudžanyja, chvoryja na aktyŭnuju formu suchotaŭ. U lutym stała viadoma, što Pavieł vylečyŭsia, jaho pieraviali nazad u kałoniju ŭ Vaŭkavysk.

Čytajcie taksama: U kamiery na 5 čałaviek było 19 žančyn, nijakich matracaŭ palityčnym nie vydavali

Toje, što ŭ krainie stolki viaźniaŭ, moža i samo pa sabie spryjać rostu kolkaści zachvorvańniaŭ. Kali chvoryja ludzi vychodziać z turmy, jany robiacca krynicaj infikavańnia, a suchoty — zaraznaja chvaroba, jakuju možna padchapić navat u aŭtobusie.

«Naša Niva» — bastyjon biełaruščyny

PADTRYMAĆ

Usich nas chočuć prahnać praz Akreścina, uvieś narod

U Rasii dazvolili mačyć mantu

Jość viersija, što pryščepka BCŽ pavyšaje imunitet suprać Covid-19. Što kažuć navukoŭcy i što viadoma dakładna?

«My majem spravu z ruskim fašyzmam, a Biełaruś akupavanaja». Vialikaja hutarka z Aleksijevič

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Eto nie tiechnika došła, a ja sama siuda došła, na łyžach! (S)/adkazać/
02.04.2023
Dizajnier, a sam kak dobiraješsia? možiet chodiš? v łyži obutyj?
2
sonnyj meri/adkazać/
02.04.2023
SHOS,
a bolšinstvo nasielenija - potomki samych zabitych kriesťjan, kotoryje dažie biespravnieje russkich kriesťjan. I za sorok let dažie palciem nie pošievielili, čtoby pieriestať byť biespravnymi kriesťjanami. Začiem. Bulba i škvarka josiaka - i charašo. Snačała otbierut škvarku, potom bulbu i ostanietsia čarka, čtoby śpiliś i byli posłušnymi. Tak vam i nado.
0
Maksim Dizajnier/adkazać/
04.04.2023
sonnyj meri

Tak užie śpiliś. Eto chorošo zamietno pri vozvraŝienii pośle žiźni za hraniciej.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
PNSRČCPTSBND
123
45678910
11121314151617
18192021222324
25262728293031