Znajści
Ałharytmičny łacinski varyjant
30.03.2023 / 16:565RusŁacBieł

Maja Sandu: Rasija choča vykarystoŭvać Małdovu hetak ža, jak i Biełaruś

Prezident Małdovy Maja Sandu zajaviła, što Rasija choča vykarystoŭvać jaje krainu suprać Ukrainy hetak ža, jak Kreml vykarystoŭvaje Biełaruś. Pra heta paviedamlaje «Ukrainskaja praŭda».

Maja Sandu. Fota Aurel Obreja / AP

Sandu zajaviła, što Rasija sprabuje padarvać, zrynuć uładu ŭ Kišyniovie, a ŭ małdaŭskich uładaŭ jość dokazy takich dziejańniaŭ.

«Zrazumieła, što Rasija sprabuje ŭstalavać u Kišyniovie prarasijskuju ŭładu, kab vykarystoŭvać Małdovu suprać Ukrainy, jak heta adbyvajecca, naprykład, u vypadku ź Biełaruśsiu», — skazała małdoŭskaja prezidentka.

Jana nahadała pra niadaŭniuju zajavu prezidenta Rasii Uładzimira Pucina adnosna namieru raźmiaścić na terytoryi Biełarusi taktyčnuju jadziernuju zbroju.

«Mienavita heta Rasija choča zrabić i ŭ vypadku z Małdovaj. Adnak siońnia ŭ Małdovie jość niezaležnaja ŭłada, abranaja jaje hramadzianami, jakaja pracuje na karyść hramadzian i Małdovy, tamu jaje nielha vykarystoŭvać tak, jak vykarystoŭvała b prarasijskaje kiraŭnictva», — zajaviła Sandu.

Raniej Małdova zaklikała ES nakłaści sankcyi na aliharchaŭ, jakija, ź jaje słoŭ, supracoŭničajuć z Rasijaj u raspalvańni hvałtu i źviaržeńni ŭrada. Paśla hetaha niekalki ministraŭ zamiežnych spraŭ krain Jeŭrasajuza — u pryvatnaści, Francyi i Estonii — padtrymali zaklik Kišyniova.

Zajava Małdovy źjaviłasia na fonie raskrytaha płana Kramla pa destabilizacyi situacyi ŭ krainie, jaki praduhledžvaŭ kantrol nad palityčnaj śfieraj, enierhietyčny šantaž, a taksama ŭzmacnieńnie napružanaści ŭ Prydniastroŭi. Aficyjna Maskva admaŭlaje «płan destabilizacyi Małdovy», zajaviŭšy, što heta «absalutna biespadstaŭnyja» zajavy.

Čytajcie taksama:

Dziaržaŭnaj movaj Małdovy zamiest małdaŭskaj stała rumynskaja

Sandu: Małdovu abaraniaje nie niejtralitet, a armija Ukrainy

Prezident Małdovy ahučyła infarmacyi pra płan destabilizacyi krainy. U im mieli ŭdzielničać i hramadzianie Biełarusi

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Naziralnik/adkazać/
30.03.2023
Navat trochi dziŭna, što ŭ Mai Sandu takoje proźvišča, bo nasamreč jana Maje Racyju.
0
Intieriesno/adkazać/
30.03.2023
Mariniesku, a vy za ispolzovanije mołdavskoho Pridniestrovja płatiť nie zabyvajetie ?
0
15 rublej/adkazać/
31.03.2023
Mariniesku, Diełaj skrin, połuči 15 rublej i v kassu trołl. Jeśli ty, koniečno, čiełoviek. Chotia niet, v lubom słučaje ty nie čiełoviek.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera