Befree vs H&M. Ci adčujuć roźnicu biełaruskija pakupniki?
Na miescy H&M, jaki začyniŭsia ŭ Biełarusi, nieŭzabavie adkryjecca rasijskaja marka Befree. Kramy zapracujuć u handlova-zabaŭlalnych centrach Galleria Minsk i Palazzo. Ale ci stanie takaja zamiena relevantnaj dla biełaruskich pakupnikoŭ? My paraŭnali dva brendy i voś da jakich vysnoŭ pryjšli.
Adzieńnie Befree i H&M. Fota: sajty brendaŭ
Šviedski brend H&M abjaviŭ ab zakryćci svaich kram u Rasii i Biełarusi paśla pačatku vajennych dziejańniaŭ va Ukrainie. Byłyja handlovyja placoŭki marki stali pierachodzić pad kryło rasijskaj kampanii Melon Fashion Group, jakaja vałodaje brendami Befree, Zarina, Love Republic i Sela. Hetyja kramy ŭžo dobra znajomyja biełarusam — da biahučaj ekspansii rasijskaha kancerna jany kropkava znachodzilisia ŭ mnohich haradskich HC, adnak prajhravali ŭ papularnaści mastadontam zachodniaha fešn-rynku. Zdajecca, u bitvie za pakupnikoŭ Befree taksama sastupaŭ H&M.
Zapoźnienyja kalekcyi i płahijat. Što my viedajem pra abodva brendy.
Adaptacyja podyumnych trendaŭ — zvykłaja historyja dla mas-markietu, a voś adkryty płahijat — chutčej redkaść. U navinach ab čarhovym skandale, źviazanym z kradziažom idej, pieryjadyčna ŭspłyvaje i rasijski brend Befree. Dyzajniery marki niaredka kapijujuć raspracoŭki drobnych łakalnych brendaŭ.
Tak, Befree zapazyčyŭ ideju puchavika ŭ picierskaj marki Novaya, tolki źlohku źmianiŭšy detali madeli.
Puchavik marki Novaya (źleva), puchavik marki Befree (sprava). Fota: sajty brendaŭ
A ŭ łakalnaj bializnavaj marki LVG praktyčna całkam skapijavaŭ tuzin madelaŭ.
LVG (źleva), Befree (sprava). Fota: sajty brendaŭ
H&M taksama nie raz sprabavali vykryć u płahijacie. Vidavočna, što dla stvareńnia niekatorych svaich madelaŭ brend natchniaŭsia pracami luksavych dyzajnieraŭ. Naprykład, hetaja futbołka stvoranaja pa matyvach Supreme.
H&M (źleva), Supreme (sprava). Fota: pinterest.com
Adnak, u adroźnieńni ad Befree, H&M nie kapijuje madeli całkam.
Akramia hetaha, u skarboncy šviedskaha vytvorcy mnostva ŭdałych kałabaracyj z suśvietnymi damami mod. Tak, pad łahatypam H&M vychodzili dyzajnierskija kalekcyi, stvoranyja sumiesna z Karłam Łahierfieldam, Stełaj MakKartni, Rejem Kavakuba, Albieram Elbazam. A ŭbory ź liniejki Lanvin x H&M mała čym adroźnivalisia ad aryhinalnych Lanvin — chiba što koštam.
Hučnaj stała i praca H&M z domam Versace. Za sutki da startu prodažu kalekcyi la mahazinaŭ vystrailisia čerhi, a paśla pačatku prodažu, adzieńnie pad sumiesnym łoha raźlaciełasia za niekalki hadzin.
Jašče adnym istotnym adroźnieńniem źjaŭlajecca chutkaść raspracoŭki kalekcyj.
Kali šviedski brend aryjentujecca na suśvietnyja trendy, to rasijski — na tyja madeli, jakija ŭžo pastupili ŭ prodaž u zamiežnaha mas-markietu i niadrenna tam pradavalisia. Tamu adpraŭlacca ŭ Befree u sprobach znajści ŭltramodnyja rečy nie varta: toje, što na piku ciapier, pastupić u rasijskuju kramu ź niekatorym spaźnieńniem, kali pastupić naohuł. Adnak niejkija trendavyja rečy adšukać tam usio ž možna.
Asartymient i ceny
Niadaŭna ŭ nas vychodziŭ materyjał ab trendach hetaha siezona. My prahledzieli sajty brendaŭ i pastaralisia znajści tam niekatoryja rečy z našaj modnaj padborki.
Naprykład, džynsy ź nizkaj pasadkaj sustrakajucca ŭ abiedźviuch marak. Praŭda, u H&M vybar madelaŭ z takoj pasadkaj usio ž taki bolšy. Što da koštu, to džynsy Befree kaštujuć na 10 dalaraŭ daražej, čym anałahičnaja madel H&M.
Befree. Fota: sajt brenda
H&M. Fota: sajt brenda
Skuranyja spadnicy vielmi padobnych madelaŭ taksama prysutničajuć u asartymiencie abiedźviuch kram. Pryčym spadnica rasijskaha brenda amal u try razy tańniejšaja za zachodni anałah. Ale heta redkaść.
Befree. Fota: sajt brenda
H&M. Fota: sajt brenda
A voś trendavych spadnic z pajetak u Befree zusim nie akazałasia. U adroźnieńnie ad H&M, u kramach jakoha pradstaŭlena šmat zichotkaha adzieńnia.
H&M. Fota: sajta brenda
Paradavała najaŭnaść skaročanych žakietaŭ, jakija buduć u modzie jašče paru siezonaŭ. Praŭda, navat biez uliku skidki, takaja reč ad H&M abydziecca pakupnicy na 13 dalaraŭ tańniej, čym rasijski anałah.
Befree. Fota: sajt brenda
H&M. Fota: sajt brenda
Anałahičnaja situacyja i z mužčynskim adzieńniem. Tak, padobnyja madeli spartovych štanoŭ buduć adroźnivacca ŭ košcie: cana ŭ H&M bolš vyhadnaja — ekanomija 10 dalaraŭ.
Befree. Fota: sajt brenda
H&M. Fota: sajt brenda
Raźbiežka ŭ cenach bačnaja i na prykładzie chudzi. Bajka pad rasijskim łahatypam na 15 dalaraŭ daražejšaja za šviedskuju.
Befree. Fota: sajt brenda
H&M. Fota: sajt brenda
Kali biehła prahledzieć sajt, stanovicca jasna, što šmatlikija chadavyja rečy Befree adčuvalna daražejšyja za anałahičnyja ŭ H&M. Zrazumieła, pa asobnych pazicyjach sustrakajecca i advarotnaja situacyja — naprykład, rečy ź minułych kalekcyj Befree mohuć kaštavać krychu tańniej.
Asartymient marki taksama sastupaje H&M. Praŭda, treba pryznać, što raźbiežka ŭ madelach nie krytyčnaja i simpatyčnaje adzieńnie ŭ rasijskaha vytvorcy taksama možna znajści.
Jakaść
Nie budziem kryvić dušoj i skažam prama: u płanie jakaści H&M na hałavu vyšejšy za Befree. Heta tyčycca jak składu materyjałaŭ, tak i apracoŭki vyrabaŭ. Zrešty, ciapierašnija ŭmovy na rynku adkryvajuć vialikija dalahlady dla raźvićcia rasijskich brendaŭ.
Čytajcie taksama:
Ekskluziŭnyja Apple Watch i niečakany kaspłej. Što cikavaha my znajšli ŭ harderobach čynoŭnic
Moda ŭ epochu niavyznačanaści. Što my budziem nasić hetaj viasnoj i čamu
Jaki brend źjaviŭsia na miescy šviedskaha H&M u Galleria Minsk
