Tapuzidzis nabyŭ haścinicu «Słavianskaja» ŭ Minsku
Tytuniovy miljarder Pavieł Tapuzidzis nabyŭ haścinicu «Słavianskaja», jakaja nie pracavała z kanca 2022 hoda. Ciapier aktyŭ pierajšoŭ da TAA «Tytuń-inviest», jakoje zapłaciła za heta bolš čym 4 młn dalaraŭ u ekvivalencie, paviedamlaje Office Life sa spasyłkaj na ŭłasnyja krynicy.
30 sakavika stała viadoma pra źmienu ŭłaśnika haścinicy «Słavianskaja», jakaja pierastała pracavać pry kancy 2022 hoda. Nabyŭšy haścinicu za bolš čym 4 młn dalaraŭ, «Tytuń-inviest» Paŭła Tapuzidzisa rychtujecca adnavić pracu kompleksu ŭžo z 17 krasavika. Pavodle Office Life, z hetaj daty ŭžo možna zamović numar pa telefonie servisu braniravańnia.
«Słavianskaja» — adna z haścinic, pabudavanych da minskaha čempijanatu śvietu pa chakiei 2014 hoda. U joj 126 miescaŭ, raźmieščanych na 15 pavierchach. Jana mieścicca pobač z «Minsk-Arenaj».
Raniej «Słavianskaj» vałodała zamiežnaja kampanija «Bielinterrasinviest», stvoranaja hrupaj rasijskich inviestaraŭ. Ale 19 listapada 2022 hoda haścinica spyniła pracu, a ŭ dačynieńni da jaje zabudoŭščyka i ŭładalnika była raspačataja likvidacyjnaja vytvorčaść.
Čytajcie taksama:
Čamu zakryŭsia Prime Hall? Viadomaja adna ź viersij
U Minsku adkryŭsia hatel Robinson City, jaki naležyć Tapuzidzisu
Minski hatel «Słavianski» vystavili na aŭkcyjon
U Minsku zakryŭsia hatel, pabudavany da chakiejnaha čempijanatu śvietu 2014 hoda
