Znajści
Ałharytmičny łacinski varyjant
31.03.2023 / 10:223RusŁacBieł

Siłaviki zajavili pra zatrymańnie «śpiačaj jačejki» ŭ haražnym kaapieratyvie

Čarhovyja palityčnyja zatrymańni adbylisia ŭ Homieli.

Skrynšot videa praŭładnaha kanała

Na milicejskim videa bačna, jak hrupa siłavikoŭ u poŭnym abmundziravańni ŭvachodzić u budynak i kładzie tvaram u padłohu adnaho z mužčyn.

Jak dokaz ich viny pakazali vyjavu bieła-čyrvona-biełaha ściaha na ścianie haraža, namalavany farbaj na cehle hierb «Pahonia», partret Če Hievary.

Jak vynikaje ź videa, zatrymana čaćviora mužčyn.

«Śpiačaja jačejka ekstremistaŭ u haražnym kaapieratyvie», — napisaŭ praŭładny homielski kanał.

Źleva naprava i źvierchu ŭniz: Dźmitryj Papkoŭ, Ihar Čarnavusaŭ, Kanstancin Hvoździeŭ i Uładzimir Kamiennaŭ

Na videa — 35-hadovy Dźmitryj Papkoŭ, 34-hadovy Ihar Čarnavusaŭ, 32-hadovy Kanstancin Hvoździeŭ i 34-hadovy Uładzimir Kamiennaŭ. Usie jany hamielčuki i staryja siabry.

Adzin ź ich kaža na videa, što stvaryŭ hrupu, dzie jany pierapisvalisia ź siabrami. Inšy kaža, što padčas vajny nibyta niekalki razoŭ abraziŭ Łukašenku ŭ hetym čacie. Treci pryznajecca ŭ «niapravilnych» kamientarach.

Pakazalna, što mužčyn prymušajuć u videa nazyvać vajnu «śpiecyjalnaj vajennaj apieracyjaj».

Ci zaviedzieny na zatrymanych kryminalnyja spravy, nie ŭdakładniajecca.

Masavyja palityčnyja represii ŭ Biełarusi praciahvajucca z 2020 hoda, kali Alaksandr Łukašenka, miarkujučy pa źviestkach z učastkaŭ, dzie vybarčyja kamisii dazvolili naziralnikam sačyć za padlikam hałasoŭ, prajhraŭ Śviatłanie Cichanoŭskaj, ale nie addaŭ uładu. Z 2022 hoda, paśla napadu Rasii na Ukrainu, biełarusaŭ pačali praśledavać taksama za antyvajennyja vykazvańni abo za simpatyi da Ukrainy, jakaja zmahajecca za svaju niezaležnaść i terytaryjalnuju cełasnaść. Za hety čas u krainie adbyłosia kala 50 tysiač palityčna matyvavanych zatrymańniaŭ, zaviedziena kala 12 tysiač palityčna-kryminalnych spraŭ i adkinutyja bazavyja normy zakonnaści i marali.

«Krucili, hramili, fatahrafavali». Što viadoma pra zatrymańni ŭ Lachavičach, Miorach, Połacku, Babrujsku, Kruhłym

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
1
Lanuifera/adkazać/
31.03.2023
Adno paniatna niama u Biełarusi biełaruskich siłavikoŭ jość ruskije prysłužniki.
0
Cybula/adkazać/
31.03.2023
Opa, Čie Hievara užie tožie pod zaprietom? Vrodie był druhom sovietskoho naroda..
0
Prostaja praŭda/adkazać/
02.04.2023
Cybula, Tak. Savieckija ideołahi taksama ŭšanoŭvali Kastusia Kalinoŭskaha jak hieroja vyzvaleńnia Biełarusi. Ale łukašenkaŭskaja dyktatura jaho paklopničaje. 
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera