Vyjšaŭ na volu homielski aktyvist Uładzimir Niapomniaščych
U krasaviku 2021 hoda jon byŭ asudžany na dva hady i try miesiacy kałonii.
Fota: spring96.org
Niapomniaščych zatrymali 25 śniežnia 2020 hoda, a sud pačaŭsia ŭ kancy sakavika 2021 hoda i ad samaha pačatku byŭ faktyčna zakrytym, bo adbyvaŭsia na terytoryi homielskaha SIZA №3. Advakat daŭ padpisku ab nierazhałošvańni.
Pa materyjałach śledstva, Uładzimira Niapomniaščych abvinavačvali ŭ abrazie pamočnicy prakurora Homiela Alesi Žuraŭskaj niepasredna ŭ zale suda paśla abviaščeńnia prysudu 26 listapada 2020 hoda Hieorhiju Vasilenku za padniaty na fłahštoku bieł-čyrvona-bieły ściah na homielskaj płoščy, dzie Žuraŭskaja padtrymlivała dziaržabvinavačańnie. Aktyvist skazaŭ: «Arhanizavanaja złačynnaja hrupa».
Uładzimir Niapomniaščych viny nie pryznaŭ i zajaviŭ, što hety vyraz nie mieŭ dačynieńnia da abvieščanaha kryminalnaha prysudu.
Čytajcie taksama:
Siłaviki zatrymali «śpiačuju jačejku» ŭ haražnym kaapieratyvie
