Znajści
Ałharytmičny łacinski varyjant
01.04.2023 / 11:297RusŁacBieł

Jak amaładzić staryja tui

Siarod raślin, jakija možna sustreć u sadach biełarusaŭ, adna z samych raspaŭsiudžanych — tuja. My ŭžo pisali, što jaje vykarystoŭvajuć u jakaści žyvoj aharodžy. Ciapier raspaviadziom, jak jaje najlepšym čynam abrezać.

Tuja zachodniaja adnosicca da viečnazialonych chvojnych dreŭ siamiejstva kiparysavych. U Jeŭropu jana patrapiła ŭ pieršaj pałovie XVI stahodździa z Paŭnočnaj Amieryki.

Tuja dažyvaje da 100 i bolš hadoŭ i vyrastaje da 20 mietraŭ.

Jana dobra pryžyłasia ŭ Biełarusi dziakujučy svajoj zimaŭstojlivaści, cienievynoślivaści i nievysokaj patrabavalnaści da ŭradlivaści hleby.

Heta raślina vydatna pieranosić stryžku. Ale ź ciaham času možna zaŭvažyć, što dreva stareje i hublaje svaje dekaratyŭnyja jakaści. Tuja miescami bureje, źjaŭlajucca suchija halinki.

Kali abrazać

Abrezku, kab trochi amaładzić dreva, zvyčajna pravodziać viasnoj (sakavik-krasavik), kali tempieratura pavietra nie apuskajecca nižej za čatyry hradusy, staić pachmurnaje i dastatkova suchoje nadvorje (vilhać sadziejničaje zaražeńniu raśliny hrybkami).

Kab nie dać raści maładym parastkam, ich abrazajuć u červieni. Nu i apošni raz možna pravieści abrezku ŭ kancy lipienia. Kali ž heta pracedura budzie praviedziena paźniej, to ŭ dreva moža źnizicca marozaŭstojlivaść.

Jak abrazać

Paśla pasadki tuja dastatkova chutka razrastajecca. I voś tut treba dla siabie vyrašyć, da jakoj vyšyni dać drevu raści. Rehularnaja štohadovaja abrezka pryviadzie da taho, što dreva stanie bolš hustym.

Kali ŭ nas staraja tuja, to dla amaładžeńnia jana abrazajecca trochi nižej za zvyčajny ŭzrovień. Ale treba być aściarožnym, bo pry takoj abrezcy mohuć utvarycca pustyja, niepryvabnyja miescy, jakija buduć zarastać nie adzin siezon. Tamu ŭ pieršuju čarhu abrazajcie tyja haliny, jakija aktyŭna rastuć.

Rekamiendujecca abrezać bakavyja parastki na pałovu ich daŭžyni, vydalić suchija, chvoryja i paškodžanyja. Kali ŭ raśliny hustaja krona, to jaje treba praredzić. Dla hetaha vyrazajuć častku halin, što dazvolić pavietru lepš cyrkulavać.

Śpiecyjalisty rajać pravodzić abrezku staroj raśliny častkami, nie bolš čym na tracinu abjomu. U inšym vypadku my možam nanieści joj škodu. Mocna ŭkaročanaja raślina možna zahinuć. Miescy zrezaŭ abaviazkova treba apracavać supraćhrybkovym srodkam, sadovym varam na sasnovaj smale dla chutkaha zažyŭleńnia.

Dohlad paśla abrezki

Dla lepšaha rostu tui paśla abrezki rekamiendujecca dobry paliŭ pieršyja tydni.

Akramia hetaha, nie treba zabyvacca pra zabieśpiačeńnie raśliny nieabchodnaj vilhaćciu ŭ zasušlivaje nadvorje.

Dla lepšaj kuścistaści i viartańnia pryvabnaha vyhladu rekamiendujecca pravieści padkormku arhaničnymi ŭhnajeńniami. A kali ich niama, to tymi, dzie bolšaja dola kaliju. Dobry efiekt adnaŭleńnia daść vykarystańnie mikaryzy (hrybakoraniu), rastvor jakoj unosiać u hlebu pry tempieratury pavietra 10—20 hradusaŭ.

Na praciahu siezona dreva treba palivać i apyrskvać uhnajeńniami. Ich možna pryhatavać samim na asnovie krapivy ci chvašču.

Ci zaŭsiody abrezka — vyratavańnie dla dreva

Zdarajucca situacyi, kali vaša dreva praktyčna ŭsio ź zialonaha pieratvarajecca ŭ buraje. Pryčynaj moža być jak niedachop vilhaci, hetak i jakaja-niebudź chvaroba (asabliva fitaftaroz).

U takich vypadkach śpiecyjalisty rekamiendujuć vykapać raślinu i ahledzieć. Pry vyjaŭleńni prykmiet infiekcyjnych zachvorvańniaŭ dreva treba spalić. A miesca, dzie jano rasło, nieabchodna apracavać mocnym funhicydam.

Praceduru amaładžeńnia tui rekamiendujecca pravodzić raz na niekalki hadoŭ. Heta dazvolić pradoŭžyć žyćcio drevu i nadoŭha zachavać jaho pryvabny vyhlad.

Čytajcie jašče:

Jak pravilna abrazać hartenziju. I čym jana moža być karysnaja, akramia charastva

Vocatnaje dreva i «pomsta susieda». Hetaja raślina ŭvachodzić u modu ŭ Biełarusi, bo jana i pryhožaja, i praktyčnaja

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Žvirblis/adkazać/
01.04.2023
Bač ty! jejnyja ludzi... Znajšłasia tut "Sałtyčycha". Ludziej svaich abaviazkova rekłamavać? Kamu jany tut treba ?
0
tu pieńki/adkazać/
01.04.2023
Žvirblis, vy za basiejnam svaim i tujami nasadžanymi lepš sačycie
0
Žvirblis/adkazać/
01.04.2023
tu pieńki, biaz vašych, adpaviadajučych mianušcy, paradaŭ abyjdusia.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera