ZŠA razhladajuć varyjanty pastavak Ukrainie zbroi vialikaj dalokaści zamiest ATACMS — hienierał Mili
ZŠA nie pastaŭlajuć Ukrainie rakiety vialikaj dalokaści ATACMS, a zamiest hetaha razhladajuć inšyja varyjanty, jakija dazvolać ukrainskim vajskoŭcam pavialičyć radyus dziejańnia na poli boju, skazaŭ staršynia Abjadnanaha kamiteta načalnikaŭ štaboŭ hienierał Mark Mili ŭ intervju vydańniu Defense One.
Sistema ATACMS. Fota: mil.in.ua
Rakieta ATACMS maje radyus dziejańnia kala 300 km, što našmat bolš, čym u luboj inšaj sistemy, jakuju ZŠA da hetaha času pastaŭlali Ukrainie.
Sa słoŭ vysokapastaŭlenaha hienierała, u ZŠA adnosna mała ATACMS i amierykanskija ŭzbrojenyja siły pavinny padtrymlivać zapasy takoha važnaha ŭzbrajeńnia. Ale majucca i inšyja sistemy, jakija mohuć dziejničać u takim ža dyjapazonie: «Jość, naprykład, bieśpiłotniki. U brytancaŭ jość para sistem», — skazaŭ Mili.
Akramia taho, jak skazaŭ Mili, vajenny kanflikt na terytoryi Ukrainy vyjaviŭ «nievierahodnyja tempy spažyvańnia zvyčajnych bojeprypasaŭ», i ciapier ZŠA pierahladajuć acenki patrebnaści ŭ ich na vypadak vialikaj vajny.
Na siońnia ŭ ZŠA dastatkova bojeprypasaŭ, ale abaronna-pramysłovy kompleks budzie pracavać nad pašyreńniem svaich mahutnaściaŭ ciaham niekalkich hadoŭ, paviedamiŭ hienierał.
«Kali vy ŭdzielničajecie ŭ surjoznaj vajnie pamiž vialikimi dziaržavami, — skazaŭ Mili, — nie treba niedaaceńvać kolkaść bojeprypasaŭ, jakaja vam spatrebicca».
Čytajcie taksama:
Ministr abarony Ukrainy anansavaŭ kontrnastupleńnie na krasavik-maj
Kiraŭnik Pientahona: Ukraina maje dobryja šancy na paśpiachovaje kontrnastupleńnie
Ministr abarony Ukrainy raspavioŭ pasłam ES, čaho nie chapaje dla efiektyŭnaha kontrnastupu
