Znajści
Ałharytmičny łacinski varyjant
01.04.2023 / 08:161RusŁacBieł

Trampu vystaviać minimum adno kryminalnaje abvinavačvańnie

Tramp prylacić z Fłarydy ŭ Ńju-Jork u paniadziełak, a na nastupny dzień paŭstanie pierad sudom. Jon zajavić pra nievinavataść i adpravicca nazad u svaju rezidencyju, piša RBK.

Byłomu prezidentu ZŠA Donaldu Trampu vystaviać jak minimum adno abvinavačvańnie ŭ kryminalnym złačynstvie,  paviedamlaje AP sa spasyłkaj na svaje krynicy.

Jak čakajecca, Tramp u paniadziełak, 3 krasavika, prylacić u Ńju-Jork z Fłarydy i praviadzie noč u Trump Tower. Na nastupny dzień adbudziecca pasiadžeńnie suda, dzie eks-prezident vysłuchaje abvinavačvańni, vystaŭlenyja akruhovym prakuroram Manchetena Ełvinam Breham. Tramp maje namier zajavić pra svaju nievinavataść, a zatym jon vierniecca ŭ svaju fłarydskuju rezidencyju Mar-a-Łaha.

AP paviedamlaje, što šmatlikija abvinavačvańni suprać Trampa tyčacca falsifikacyi dziełavoj dakumientacyi. Samo abvinavaŭčaje zaklučeńnie jašče nie apublikavanaje. CNN i NYT paviedamlali, što byłoha kiraŭnika dziaržavy padazrajuć u naŭmysnaj padrobcy finansavaj dakumientacyi ŭ suviazi z vypłatami pornaaktrysie Stormi Deniełs (Stefani Klifard). Były advakat eks-prezidenta Majkł Koen jašče ŭ 2018 hodzie pryznaŭ, što zapłaciŭ Deniełs u 2016 hodzie $130 tys. za maŭčańnie pra jaje raman z Trampam u 2006-m (eks-prezident hetyja adnosiny admaŭlaŭ). Vypłatu pa dakumientach praviali jak apłatu jurydyčnych pasłuh. CNN pieradavaŭ taksama, što Trampu źbirajucca pradjavić bolš za 30 punktaŭ abvinavačvańnia, źviazanych z machlarstvam u biznesie.

Donald Tramp staŭ pieršym u historyi eks-prezidentam ZŠA, suprać jakoha budzie aficyjna adkrytaja kryminalnaja sprava. 31 sakavika akruhovaja prakuratura Manchetena źviazałasia z advakatam z nahody pradjaŭleńnia jamu abvinavačvańniaŭ pa abvinavaŭčym zaklučeńni Viarchoŭnaha suda. Tramp nazvaŭ toje, što adbyvajecca, «palityčnym pieraśledam i ŭmiašańniem u vybary na samym vysokim uzroŭni ŭ historyi» z boku demakrataŭ, jon admaŭlaje vinu. Politico adznačaje, što, niahledziačy na kryminalnuju spravu, eks-prezident, jaki maje namier bałatavacca ŭ 2024 hodzie, moža ŭdzielničać u vybarach.

Čytajcie taksama:

Vialikaje žury Ńju-Jorka prahałasavała za vystaŭleńnie 30 kryminalnych abvinavačańniaŭ Trampu. Jaho mohuć aryštavać u aŭtorak

«Maliciesia». Donald Tramp prakamientavaŭ raźmiaščeńnie jadziernaj zbroi ŭ Biełarusi

Kampaniju Donalda Trampa pryznali vinavataj u machlarstvie z padatkami

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
0
Realnaść /adkazać/
01.04.2023
Nichto nie vyšej za zakon i ŭsie roŭnyja pierad zakonam. Heta asnova demakratyi j spraviadlivaha, cyvilizavanaha, humannaha kiravańnia.
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera